കണ്ണൂർ ഗേറ്റ് വേ വഴി ഇനി ഗൾഫിലേക്ക്

ഡൽഹിയിൽനിന്ന് ഗൾഫ് രാജ്യങ്ങളിലേക്കുള്ള വിമാനസർവീസുകൾ പലതും കണ്ണൂർ വഴിയാക്കും

കണ്ണൂർ വിമാനത്താവള ഉദ്ഘാടന ചടങ്ങിൽ മുഖ്യപ്രഭാഷണം നടത്തിയ കേന്ദ്ര വ്യോമയാന സെക്രട്ടറി ചൈബേയാണ് ഈ പ്രഖ്യാപനം നടത്തിയത്. ഡൽഹിയിൽനിന്നുള്ള ഇൻഡിഗോയുടെ കുവൈത്ത്, ദോഹ, ജിദ്ദ, ദമാം സർവീസുകൾ കണ്ണൂർ വഴിയാക്കും. ഗോ എയറിന്റെ ഡൽഹി-മസ്കറ്റ്‌, ഡൽഹി-ദമാം, ഡൽഹി-അബുദാബി സർവീസുകൾ എന്നിവയും കണ്ണൂർ വഴിയാക്കും. ജെറ്റ് എയർലൈൻസിന്റെ ഡൽഹി-അബുദാബി സർവീസും കണ്ണൂർ വഴിയാക്കും. ഇതോടെ ഡൽഹിയിലേക്കും ഗൾഫിലേക്കും കേരളത്തിൽനിന്ന് ഏറ്റവും കൂടുതൽ സർവീസുള്ള വിമാനത്താവളമായി കണ്ണൂർ മാറും.
ഇൻഡിഗോ മുംബൈ, ഡൽഹി എന്നിവിടങ്ങളിലേക്ക് സർവീസ് നടത്തും. വിമാനത്താവള ഉദ്ഘാടനച്ചടങ്ങിൽ കിയാൽ എം.ഡി. വി.തുളസീദാസ് നടത്തിയ ആമുഖ പ്രസംഗത്തിൽ വിദേശ വിമാന കമ്പനികളെ കണ്ണൂരിലേക്ക് സർവീസ് നടത്താൻ അനുവദിക്കണമെന്ന് ആവശ്യപ്പെട്ടെങ്കിലും വ്യോമയാന സെക്രട്ടറിയോ മന്ത്രി സുരേഷ് പ്രഭുവോ അക്കാര്യത്തിൽ വാഗ്ദാനമൊന്നും നൽകിയില്ല.
തിരുവനന്തപുരം, കോഴിക്കോട് അന്താരാഷ്ട്ര വിമാനത്താവളങ്ങളുടെ നടത്തിപ്പ് ഏറ്റെടുക്കാൻ തയ്യാറാണെന്ന് മുഖ്യമന്ത്രി ഉദ്‌ഘാടന ചടങ്ങിൽ പറഞ്ഞു.
തിരുവനന്തപുരം വിമാനത്താവളം സ്വകാര്യവത്കരിക്കരുത്. കേന്ദ്രം കൈയൊഴിഞ്ഞാൽ ഏറ്റെടുത്ത് നടത്താൻ സംസ്ഥാനസർക്കാർ തയ്യാറാണ്. ശ്രീ ചിത്തിരതിരുനാൾ മഹാരാജാവിന്റെ കാലത്ത് തുടങ്ങിയതാണ് വിമാനത്താവളം. ആ നിലയ്ക്ക് സ്ഥലം സംസ്ഥാനസർക്കാരിന്റേതാണ്. വിമാനത്താവളനടത്തിപ്പിൽ കേരളത്തിന് മതിയായ പരിചയവുമുണ്ട്. അതിനാൽ സ്വകാര്യവത്കരണതീരുമാനം ഉപേക്ഷിച്ച് കേരളത്തിന് കൈമാറണമെന്ന് മുഖ്യമന്ത്രി പറഞ്ഞു.
കേരളം പ്രത്യേക കമ്പനി രൂപവത്കരിച്ച് നടത്തിപ്പുചുമതല നിർവഹിക്കും -മുഖ്യമന്ത്രി പറഞ്ഞു. കേന്ദ്രസർക്കാരിന്റെ ഉടമസ്ഥതയിലുള്ള കോഴിക്കോട് വിമാനത്താവളം സ്വകാര്യവത്കരിക്കാനുള്ള ഉദ്ദേശ്യമുണ്ടെങ്കിൽ ഒഴിവാക്കണം. അതും വേണ്ടിവന്.