കണ്ണൂർ വിമാനത്തവളം; അവസാന ഘട്ട ഒരുക്കങ്ങളുടെ തിരക്കില്‍

എ.ടി.സി. കെട്ടിടത്തിനു സമീപത്തായാണ് 25,000 പേർക്കിരിക്കാവുന്ന കൂറ്റൻ പന്തൽ ഒരുങ്ങുന്നത്

കണ്ണൂർ വിമാനത്താവളത്തിന്റെ ഉദ്ഘാടനത്തിനുള്ള ഒരുക്കങ്ങൾ വേഗത്തിലായി. വിമാനത്തിൽ നിന്ന് സാധനങ്ങൾ ഇറക്കുന്നതിനും കയറ്റുന്നതിനുമുള്ള ലോഡറുകൾ വിമാനത്താവളത്തിലെത്തിച്ചു. ഫ്രാൻസിൽനിന്ന്‌ കപ്പൽമാർഗം ചെന്നൈയിലെത്തിച്ച യന്ത്രങ്ങൾ റോഡുമാർഗമാണ് വിമാനത്താവളത്തിലെത്തിച്ചത്. ആറു ട്രക്കുകളിലായാണ് ഇവയെത്തിച്ചത്. വിമാനത്താവളത്തിലെ ഗ്രൗണ്ട് ഹാൻഡ്‌ലിങ്‌ കമ്പനികളിലൊന്നായ എയർ ഇന്ത്യ എ.ടി.എസ്.എല്ലിന്റെ ഉപകരണങ്ങളാണ് എത്തിച്ചിട്ടുള്ളത്. അടുത്തദിവസം യന്ത്രങ്ങൾ വഹിച്ചുള്ള നാലു ട്രക്കുകൾ കൂടിയെത്തും.പാസഞ്ചർ ടെർമിനൽ കെട്ടിടത്തിലേക്കുള്ള 25,000 ഇരിപ്പിടങ്ങളും വിമാനത്താവളത്തിലെത്തിയിട്ടുണ്ട്. കെട്ടിടത്തിന്റെ വിവിധ ഭാഗങ്ങളിലായി ഇവ ഘടിപ്പിക്കുന്ന പ്രവൃത്തി പുരോഗമിക്കുകയാണ്. ഒരാഴ്ചകൊണ്ട് പ്രവൃത്തി പൂർത്തിയാകും. ഉദ്ഘാടനച്ചടങ്ങിനുള്ള പന്തലിന്റെ നിർമാണവും പൂർത്തിയായിവരുന്നുണ്ട്. എ.ടി.സി. കെട്ടിടത്തിനു സമീപത്തായാണ് 25,000 പേർക്കിരിക്കാവുന്ന കൂറ്റൻ പന്തൽ ഒരുങ്ങുന്നത്. വിമാനത്താവളത്തിലേക്ക് നിയമിച്ച ശുചീകരണത്തൊഴിലാളികൾക്കുള്ള പരിശീലനവും ടെർമിനൽ കെട്ടിടത്തിൽ നടക്കുന്നുണ്ട്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

kannur airport; prepations on.