વરાછા વિસ્તારમાં ફરી એકવાર તલવારો સાથે કેટલાક અસામાજિક તત્ત્વોએ આતંક મચાવ્યો હતો. વરાછા પોલીસ સ્ટેશનના હદ વિસ્તારમાં અસામાજિક તત્ત્વો બેફામ બની રહ્યા છે. વરાછા પોલીસનો ડર હવે અસામાજિક તત્ત્વોને રહ્યો ન હોય તેવું લાગી રહ્યું છે. મારૂતિ ચોક પાસે આવેલી શાકભાજી માર્કેટમાં 3 ઈસમો હાથમાં તલવાર લઈને દાદાગીરી કરતા હતા. આ ઈસમોએ કબાટ અને બેકરીની દુકાનમાં ઘૂસીને દુકાન માલિકોને તલવાર બતાવીને ડરાવી દુકાનમાં તોડફોડ કરી હતી.
શાકભાજી માર્કેટમા ચાની કેબિન બંધ કરાવવાનો પ્રયત્ન આ ગુંડાઓએ કર્યો હતો, પરંતુ ચાની કેબિનના માલિકે કેબિન બંધ ન કરતા તલવાર જેવા હથિયાર સાથે કેબિનના માલિક પર હુમલો કર્યો અને 18000ની લૂંટ કરી એક રસની લારીવાળાને ચપ્પુ મારી ભાગી ગયા હતા.
આ અસામાજિક તત્ત્વોના આતંકના કારણે મારૂતી ચોક શાકભાજી માર્કેટમાં ભયનો માહોલ ફેલાયો હતો. ભયના કારણે દુકાનદારો દુકાન બંધ કરી ચાલ્યા ગયા હતા. આ ઘટના પરથી વરાછા પોલીસની કામગીરી પર સીધા પ્રશ્નો ઉભા થાય છે. શાકભાજી માર્કેટ જેવી ગીચ જગ્યા પર પોલીસનું પેટ્રોલિંગ ન હોવાના કારણે આ અસામાજિક તત્ત્વો બેફામ બને છે.

Watch Anti Social Elements active in Varachha Area of Surat With HD Quality.