સુરતમાં અસામાજિક તત્વોને પોલીસનો ડર રહ્યો ન હોય તેવું લાગી રહ્યું છે. કારણકે સુરતમાં હવે મારામારી, લૂંટ, ચોરી, ચેન સ્નેચિંગ જેવી ઘટનાઓ સતત વધારો થઈ રહ્યો છે. સુરતમાં અસામાજિક તત્વો દ્વારા કરવામાં આવતી દાદાગીરીના CCTV ફૂટેજ પણ સામે આવે છે. છતાં સુરત પોલીસ આવા આરોપીઓ સામે કડક વલણ કેમ અપનાવતી નથી. અસામાજિક તત્વોના આતંકનો વધુ એક વીડિયો સામે આવ્યો છે. આ વીડિયો છે વરાછા વિસ્તારના ભરત નગરનો કે જ્યાં કેટલાક અસામાજિક તત્વો ધારદાર હથિયાર લઈને આવે છે અને દુકાનદારો સાથે દાદાગીરી કરે છે.

દુકાનદારોના કહેવા અનુસાર આ અસામાજિક તત્વો તેમની પાસેથી પૈસાની માગણી કરે છે અને દુકાનદાર જો પૈસા ન આપે તો મારવાની ધમકીઓ આપે છે. જો કે વરાછા પોલીસના હદ વિસ્તારમાં આ પહેલી ઘટના નથી. અગાવ પણ ખુલ્લે આમ હાથમાં ચપ્પુ લઈને દાદાગીરી કરતી લેડીડોનનો વીડિયો સામે આવ્યો હતો અને ત્યાર બાદ વરાછાના મારુતિ ચોકમાં 3 ઈસમો દ્વારા હાથમાં ચપ્પુ જેવા હથિયારો લઈને શાકભાજી માર્કેટમાં આતંક મચાવવામાં આવ્યો હતો. વરાછા વિસ્તારમાં આવી એક પછી એક ઘટના સામે આવતા ક્યાંકને ક્યાંક વરાછા પોલીસની કામગીરી પર સવાલો ઉઠી રહ્યા છે.

Know more on www.khabarchhe.com
Follow US On:

Facebook - www.facebook.com/khabarchhe/
Twitter - www.twitter.com/khabarchhe
Instagram - www.instagram.com/khabarchhe/
Youtube - www.youtube.com/khabarchhe

Download Khabarchhe APP
www.khabarchhe.com/downloadApp

Watch Presence of anti social elements in Surat With HD Quality.