പഴുത്തതോ പച്ചയോ...ചക്കക്കു പലതുണ്ട് ഗുണം


രുചിയും പോഷകഗുണങ്ങളും ചക്കയെ ഫലങ്ങളില്‍ ഒന്നാമതാക്കുന്നു


സംസ്ഥാന ഫലമായ ചക്കക്കു കേരളത്തിലും വിദേശത്തും പ്രാധാന്യമേറുന്നു.

പ്രമേഹത്തെ കുറക്കുന്ന ഫലമാണ് ചക്ക.ഗ്ലൈസമിക്ക് ഇന്‍ഡക്‌സും അന്നജവും കുറവും നാരുകള്‍ കൂടുതലും ഉള്ളതാണ് കാരണം. പഴുത്ത ചക്കയേക്കാള്‍ പച്ചക്കു വൈറ്റമിന്‍ സി കൂടുതലുണ്ട്.അതുപോലെ പച്ച ചക്കയേക്കാള്‍ പഴുത്ത ചക്കക്കു ഊര്‍ജ്ജം കൂടുതലാണ്.പ്രമേഹ രോഗികള്‍ അമിതമായി ചക്ക വേവിച്ചതും പഴവും കഴിക്കുന്നത് രക്തത്തില്‍ പഞ്ചസാരയുടെ അളവ് കൂടാന്‍ കാരണമാകുന്നു.അതിനാല്‍ ഇത്തരക്കാര്‍ മിതമായേ ചക്ക ഉപയോഗിക്കാവൂ.


ചക്കയിലെ വൈറ്റമിന്‍ സി യും മറ്റ് ആന്റി ഓക്‌സിഡന്റുകളും ഫ്രീറാഡിക്കലുകളെ തടയുന്നു


അണുബാധ കുറക്കാനും രോഗപ്രതിരോധശേഷി കൂട്ടാനും ക്യാന്‍സറിനെയും ട്യൂമറിനെയും പ്രതിരോധിക്കാനും ഇവ സഹായിക്കുന്നു.
ഊര്‍ജ്ജത്തിനാണ് ചക്ക ഉപയോഗിക്കുന്നതെങ്കില്‍ പഴം തന്നെയാണ് നല്ലത്.നാരുകളുടെ അളവ് പച്ച ചക്കയിലാണ് കൂടുതല്‍ എന്നതിനാല്‍ ദഹനസംബന്ധമായ പ്രശ്‌നങ്ങള്‍ക്ക് പച്ച ചക്ക നല്ലതാണ്.