നീളം കൂടിയ 'ബജാജ് ഡിസ്‌കവര്‍ 125'

26.29 മീറ്റര്‍ നീളമുണ്ട് ഭരത് സിംഗിന്റെ ഡിസ്‌കവറിന്


ബജാജ് ഡിസ്‌കവര്‍ 125 ആണ് ലോകത്തിലെ ഏറ്റവും നീളം കൂടിയ ബൈക്ക്. വിശ്വസിച്ചേ പറ്റൂ..കാരണം ഇതാണ് .ഗുജറാത്ത് സ്വദേശി ഭരത് സിംഗ് പര്‍മറാണ് ഡിസ്‌കവറിനെ 'വലിച്ചു നീട്ടി' ഗിന്നസ് ബുക്കില്‍ പേരുചേര്‍ത്തത്.26.29 മീറ്റര്‍ നീളമുണ്ട് ഭരത് സിംഗിന്റെ ഡിസ്‌കവറിന്; അതായത് 86 അടിയും മൂന്നിഞ്ചും! നീളം കൂട്ടാന്‍ വേണ്ടി ടയര്‍ ഉള്‍പ്പെടെയുള്ള ബൈക്കിന്റെ പിന്‍ഭാഗം ഭരത് സിംഗ് കൃത്യതയോടെ വെട്ടിമാറ്റി. ശേഷം നീളവും ദൃഢതയുമുള്ള മെറ്റല്‍ ഫ്രെയിം ഘടന ഡിസ്‌കവറിന് പിന്നില്‍ ഇദ്ദേഹം ഘടിപ്പിച്ചു.ത്രികോണാകൃതിയിലുള്ള മെറ്റല്‍ ഫ്രെയിമിന്റെ മറുതലയ്ക്കാണ് ബൈക്കിന്റെ പുതിയ പിന്‍ഭാഗം നിലകൊള്ളുന്നത്.പിന്‍ചക്രത്തിലേക്ക് എഞ്ചിന്‍ കരുത്തെത്താന്‍ വേണ്ടി ചെയിന്‍ നീളവും ഭരത് സിംഗ് കൂട്ടി. ബൈക്കിന്റെ നീളം കൂട്ടിയതു കൊണ്ടുമാത്രം ഗിന്നസ് റെക്കോര്‍ഡ് ലഭിക്കില്ല; നീളം കൂട്ടിയ ബൈക്കുമായി നൂറു മിറ്റര്‍ ഓടിച്ചു കാണിക്കണം. ഈ അവസരത്തില്‍ പുറമെ നിന്നും യാതൊരു സഹായങ്ങളും ബൈക്കിന് ലഭിക്കരുതെന്നാണ് വ്യവസ്ഥ.എന്നാല്‍ ലവലേശം പോലും പതറാതെ 86 അടി മൂന്നിഞ്ച് നീളമുള്ള ഡിസ്‌കവര്‍ 125 -നെ ഗിന്നസ് അധികൃതര്‍ക്ക് മുന്നില്‍ ഭരത് സിംഗ് ഓടിച്ചു കാണിച്ചു. കൃത്യമായി പറഞ്ഞാല്‍ 26,289 mm നീളമുണ്ട് ഭരത് സിംഗിന്റെ ബൈക്കിന്.2,035 mm ആണ് യഥാര്‍ത്ഥ ബജാജ് ഡിസ്‌കര്‍ 125 -ന്റെ നീളം.

This Bajaj Discover Is The Longest Motorcycle In The World.