വലവീശി ബിജെപി...പണി കൊടുത്ത് പട്ടേല്‍

ബിജെപിയില്‍ ചേരാന്‍ ഒരു കോടി രൂപ വാഗ്ധാനം - പട്ടേല്‍ പ്രക്ഷോഭ നേതാവ് നരേന്ദ്ര പട്ടേല്‍

തെരഞ്ഞെടുപ്പ് അടുത്തിരിക്കുന്ന ഗുജറാത്തില്‍ ബിജെപിയില്‍ ചേരുന്നതിന് ഒരു കോടി രൂപ പാര്‍ട്ടി വാഗ്ദാനം ചെയ്തതായാണ് ഹര്‍ദിക് പട്ടേല്‍ അനുയായിയുടെ വെളിപ്പെടുത്തല്‍. ഉത്തര ഗുജറാത്തിലെ പട്ടിദാര്‍ അനാമത് ആന്ദോളന്‍ സമിതിയുടെ കണ്‍വീനറായ തന്നെ, മറ്റൊരു നേതാവായ വരുണ്‍ പട്ടേലിലൂടെ ബിജെപിയിലെത്തിക്കാന്‍ അവര്‍ ശ്രമിച്ചതായാണ് നരേന്ദ്ര പട്ടേലിന്റെ വെളിപ്പെടുത്തല്‍. ഇതിനായി ഒരു കോടി രൂപയാണ് ബിജെപി വാഗ്ദാനം ചെയ്തത്. ഞയറാഴ്ച നരേന്ദ്ര പടേല്‍ ബിജെപിയില്‍ ചേര്‍ന്നിരുന്നു. 10 ലക്ഷം രൂപ അഡ്വാന്‍സായി തന്നു. 90 ലക്ഷം രൂപ അടുത്ത ദിവസം നല്‍കാമെന്നാണ് വാഗ്ദാനം. ബിജെപിയുടേയും, വരുണ്‍ പട്ടേലിന്റേയും യഥാര്‍ഥ മുഖം പുറത്തുകൊണ്ടുവരുന്നതിന് വേണ്ടിയാണ് താന്‍ 10 ലക്ഷം രൂപ സ്വീകരിച്ചതെന്നും നരേന്ദ്ര പട്ടേല്‍ പറയുന്നു. 10 ലക്ഷം രൂപ മാധ്യമങ്ങള്‍ക്ക് മുന്നില്‍ പ്രദര്‍ശിപ്പിച്ച് ഞായറാഴ്ച രാത്രിയായിരുന്നു നരേന്ദ്ര പട്ടേലിന്റെ വാര്‍ത്താ സമ്മേളനം. ഗുജറാത്തില്‍ വിശാല സഖ്യം രൂപീകരിക്കാനുള്ള കോണ്‍ഗ്രസ് നീക്കങ്ങള്‍ക്ക് തിരിച്ചടി നേരിടവെയാണ് നേതാക്കളെ വലവീശി പിടിക്കാന്‍ ബിജെപി പണം എറിഞ്ഞതായുള്ള വെളിപ്പെടുത്തല്‍ വരുന്നത്.

BJP offered ₹1 crore to join party: Patidar leader Narendra Patel.