'സന്ധ്യമാറി'....അഴിച്ചു പണിയോട് പണി...!!!


ചില സുപ്രധാന കേസുകളുടെ അന്വേഷണ തലപ്പത്തുണ്ടായിരുന്ന ബി സന്ധ്യയ്ക്ക് അപ്രധാന മേഖലയിലേക്ക് മാറ്റം


ദക്ഷിണമേഖല എഡിജിപി ബി.സന്ധ്യയെ ചുമതലയില്‍ നിന്ന് മാറ്റി. പോലീസ് ട്രെയിനിങ് കോളേജ് മേധാവിയായിട്ടാണ് മാറ്റം. നിലവില്‍ ട്രാന്‍സ്പോര്‍ട്ട് കമ്മീഷണറായ എസ്. അനില്‍കാന്താണ് പകരം ചുമതലയേല്‍ക്കുക. വിവാദങ്ങള്‍ ഏറെ സൃഷ്ടിച്ച ജിഷ വധക്കേസ്, നടിയെ ആക്രമിച്ച കേസ് തുടങ്ങിയവയുടെയെല്ലാം മേല്‍നോട്ടച്ചുമതല സന്ധ്യയ്ക്കായിരുന്നു. ഈ സാഹചര്യത്തിലാണ് സന്ധ്യയെ ചുമതലയില്‍ നിന്നും മാറ്റിയിരിക്കുന്നത്.ഒരു വര്‍ഷത്തിലേറെയായി ദക്ഷിണ മേഖല എഡിജിപി സ്ഥാനത്തു തുടരുകയായിരുന്നു ബി.സന്ധ്യ. ക്രമസമാധാന ചുമതലയില്‍നിന്നു നീക്കി അപ്രധാന പദവിയായ പോലീസ് ട്രെയിനിങ് മേധാവിയുടെ തസ്തികയിലേക്ക് മാറ്റിയിരിക്കുന്നു എന്നതാണ് ശ്രദ്ധേയമായിരിക്കുന്നത്. സ്വാഭാവിക മാറ്റമെന്നാണ് ആഭ്യന്തരവകുപ്പ് നല്‍കുന്ന വിശദീകരണം.


Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

ADGP B Sandhya transferred reshuffle in police department.