થોડા દિવસોથી સોશિયલ મીડિયા પર સુરતમાં છોકરા કિડનેપ કરતી ગેંગ સક્રિય થયાના ખોટા મેસેજ વાયરલ થઇ રહ્યા છે. આ મેસેજને લોકો દ્વારા વધારે ફેલાવવાના કારણે નિર્દોષ લોકોને ઘણી મુશ્કેલી પડી રહી છે. આવી જ એક ઘટના સુરતના વરાછા વિસ્તારમાં બની છે. એક મહિલા એક પ્રસંગમાંથી પોતાની દીકરીને સૂવડાવવા માટે સગાને ત્યાં લઈ જઈ રહી હતી, મહિલા જનતા સોસાયટીના ગેટ પાસે પહોંચી ત્યારે છોકરા કિડનેપ કરતી ગેંગની મહિલા સમજીને 400થી 500 લોકોના ટોળાએ મહિલાને ઘેરી લીધી હતી અને સોસાયટીમાંથી એક મહિલાએ આવીને મહિલાની દીકરી અને મહિલાના હાથમાં રહેલું પાકીટ ઝૂંટવી લીધું હતું.

મહિલાની કાનની બુટ્ટી પણ ખેંચી લીધી હતી, આ બાળકી ક્યાંથી લાવી છે, તેવું લોકો દ્વારા પૂછવામાં આવ્યું હતું, મહિલાએ બાળકી પોતાની છે અને બાજુની સોસાયટીમાં રહેતી હોવાનું લોકોને જણાવ્યું પણ ઉશ્કેરાયેલા લોકોના ટોળાએ મહિલાનું એક ન સાંભળ્યું, પબ્લિકે મહિલાને ઘણી હેરાન કરી ગાલ પર તમાચાઓ મારીને મહિલાને વરાછા પોલીસને સોંપી હતી. વરાછા પોલીસ દ્વારા મહિલાની પૂછપરછ કરતા બાળકી મહિલાની હોવાનો ખુલાસો થયો હતો. ત્યારબાદ મહિલાના પતિ દ્વારા બાળકી પોતાની હોવાનો મેસેજ આપતો વીડિયો સોશિયલ મીડિયામાં વાયરલ કરવામાં આવ્યો હતો. આમ કેટલાક લોકો દ્વારા ખોટી અફવાઓ ફેલાવવાના કારણે અફવાનો શિકાર નિર્દોષ લોકો થઇ જાય છે.


Know more on www.khabarchhe.com
Follow US On:

Facebook - www.facebook.com/khabarchhe/
Twitter - www.twitter.com/khabarchhe
Instagram - www.instagram.com/khabarchhe/
Youtube - www.youtube.com/khabarchhe

Download Khabarchhe APP
www.khabarchhe.com/downloadApp

Watch The woman was harassed by the public who mistaken her as a kidnapper With HD Quality.