હાર્દિક પટેલના ઉપવાસ આંદોલન શરૂ થાય તે પહેલા જ ગુજરાત પોલીસ રાજ્યભરમાંથી મોટી સંખ્યામાં પાટીદારોની અટકાયત કરી લીધી છે. ઘણી જગ્યાએ તો લોકો શાંતિથી બેઠા હતા અને તેમને પોલીસે ઉઠાવી લીધા છે અને જીપમાં નાખીને પોલીસ સ્ટેશન લઈ ગયા છે. સુરતમાં તો એક કોર્પોરેટરની ઓફિસમાંથી ત્યાં બેસવા આવેલા અને ચા-પાણી પીવા આવેલા નિર્દોષ લોકોને પણ પોલીસે પકડીને જીપમાં નાખી દીધા હતા.
સુરતમાં કોંગ્રેસના કોર્પોરેટર નિલેશ કુંભાણીએ હાર્દિકના આમરણાંત ઉપવાસને સમર્થન આપતા અમદાવાદ જવા માટેની જાહેરાત કરી હતી જાહેરાતનાં પગલે સુરત ક્રાઇમ બ્રાન્ચ પોલીસે 25 તારીખના રોજ સવારે કોંગ્રેસી કોર્પોરેટર સહિત અન્ય ત્રણ લોકોની અટકાયત કરી હતી. સુરતમાં યોગી ચોક વિસ્તારમાં આવેલા સરદાર ફાર્મ ખાતેથી સુરત મહાનગર પાલિકા કોંગ્રેસના કોર્પોરેટર નિલેશ કુંભાણીની અટકાયત કરી હતી.
જો કે ફાર્મ પર મંડપનું ભાડું આપવા આવેલા અન્ય લોકોને પણ વાંક વગર સુરત ક્રાઈમ બ્રાન્ચ પોલીસ તેની સાથે લઈ ગઈ હતી. પોલીસ હવે હાર્દિકના સમર્થકોને બહાર રહેવા દેવા માગતી ન હોય તેવું લાગે છે.

Watch Police detained people in surat from corporators office who came for snacks With HD Quality.