കേരളത്തിൽ ആദ്യത്തേതും ഇന്ത്യയിൽ രണ്ടാമത്തെയും സ്പൈസസ് പാർക്കാണ് പുറ്റടി സ്പൈസസ് പാർക്ക്.ഇടുക്കി ജില്ലയിലെ പുറ്റടിയിലാണ് ഈ സ്ഥാപനം സ്ഥിതി ചെയ്യുന്നത്. ഏലത്തിന്റെയും കുരുമുളകിന്റെയും സംഭരണവും വിപണനവുമാണ് ഇതു മൂലം ലക്ഷ്യമിടുന്നത്. 11.56 ഏക്കർ സ്ഥലത്താണ് സ്പൈസസ് പാർക്ക് സ്ഥിതി ചെയ്യുന്നത്. സന്ദർശകർക്കും, ഗവേഷകർക്കും സുഗന്ധവിളകളെ പരിചയപ്പെടുവാനായി ഇതിൽ മൂന്നേക്കറോളം സ്ഥലത്ത് സുഗന്ധവ്യഞ്ജന ഉദ്യാനം നിർമ്മിച്ചിരിക്കുന്നു. മധ്യപ്രദേശിലെ ചിന്ദ്‌വാരയിലാണ് ഇന്ത്യയിലെ ആദ്യ സ്പൈസസ് പാർക്ക് സ്ഥിതി ചെയ്യുന്നത്.