സ്വപ്‌നം മാത്രമായിരുന്ന കേംബ്രിഡ്ജിൽ നിന്നും ഡോക്ട്രേറ്റ് നേടി വിജയിച്ച മലയാളി പെൺകുട്ടി

ലോകത്തെ ഏറ്റവും സ്വാധീനിച്ച 50 വനിതാ എന്‍ജിനീയര്‍മാരില്‍ ഒരാളായി ടെലഗ്രാഫ് തിരഞ്ഞെടുത്ത പട്ടികയിലും നികിത ഇടം നേടിയിരുന്നു

ലോകത്തെ ഏറ്റവും സ്വാധീനിച്ച 50 വനിതാ എന്‍ജിനീയര്‍മാരില്‍ ഒരാൾ കോഴിക്കോട് സ്വദേശിനി. അമ്പത് ലക്ഷം രൂപയുടെ സ്‌കോളര്‍ഷിപ്പ് നേടി കേംബ്രിഡ്ജ് സര്‍വകലാശാലയില്‍ എത്തിയ നികിത വ്യത്യസ്തമായ മേഖലയില്‍ ഡോക്ടറേറ്റ് സ്വന്തമാക്കി കേരളീയര്‍ക്ക് അഭിമാനമായിരിക്കുകയാണ് . ഇന്ത്യയില്‍ നിന്ന് ഈ നേട്ടം കൈവരിക്കുന്ന ആദ്യ വ്യക്തി കൂടിയായ . അധികമാരും കൈവെച്ചിട്ടില്ലാത്ത മേഖലയിലാണ് നികിത ഗവേഷണം പൂര്‍ത്തിയാക്കിയത്. പാരമ്പര്യ ഊര്‍ജസ്രോതസ്സുകളെ വൈദ്യുത ഗ്രിഡുമായി ബന്ധിപ്പിക്കുമ്പോളുണ്ടാകുന്ന പ്രസരണനഷ്ടം കുറയ്ക്കാന്‍ പോന്ന ഉപകരണങ്ങള്‍ വികസിപ്പിക്കുന്നതുമായി ബന്ധപ്പെട്ടായിരുന്നു നികിതയുടെ ഗവേഷണം. ഗവേഷണത്തിനൊടുവില്‍ ഇലക്ട്രോണിക് ഉപകരണങ്ങളില്‍ സിലിക്കോണിനു പകരം ഗാലിയം ഉപയോഗിക്കാമെന്ന് കണ്ടെത്തിയിരിക്കുകയാണ് നികിത.സംയുക്ത പദാര്‍ഥങ്ങളോട് ചേര്‍ന്നാല്‍ കൂടുതല്‍ ഉറപ്പും സംവേദക ശേഷിയുമുള്ള ഗാലിയം നൈട്രേറ്റ് വൈദ്യുതി വാഹകശേഷിയില്‍ മുന്നിലാണെന്ന കണ്ടെത്തലില്‍ നികിത എത്തിച്ചേര്‍ന്നു. ഭാവിയില്‍ ഇലക്ട്രോണിക് ഉപകരണങ്ങളെ കൂടുതല്‍ ചെറുതാക്കാനും താപവികിരണം കൂടുതല്‍ പുറത്തേക്ക് വിടാനും സഹായിക്കുന്ന തരത്തില്‍ നിര്‍മിക്കാനുതകുന്നതാണ് നികിതയുടെ കണ്ടെത്തല്‍.നേട്ടത്തിന് പിന്നാലെ ഓക്‌സ്‌ഫോര്‍ഡ് യൂണിവേഴ്‌സിറ്റിയില്‍ ശാസ്ത്രപഠനത്തിനായി ചേരുകയാണ് അടുത്ത ലക്ഷ്യമെന്ന് നികിത ഫെയ്‌സ്ബുക്കില്‍ കുറിച്ചു.ലോകത്തെ ഏറ്റവും സ്വാധീനിച്ച 50 വനിതാ എന്‍ജിനീയര്‍മാരില്‍ ഒരാളായി ടെലഗ്രാഫ് തിരഞ്ഞെടുത്ത പട്ടികയിലും നികിത ഇടം നേടിയിരുന്നു.കോഴിക്കോട് വടകര ഇന്റക് ഇന്‍ഡസ്ട്രീസ് ഉടമ ഹരിദാസിന്റെയും ഗീതയുടെയും മൂത്തമകളാണ് നികിത. 2013-ലാണ് കേംബ്രിജില്‍ ഗവേഷണം ആരംഭിച്ചത്. നേരത്തെ ബ്രിട്ടീഷ് രാജ്ഞിയുടെ പ്രത്യേക ക്ഷണിതാവായും ഫോബ്‌സ് മാഗസിന്‍ തയ്യാറാക്കിയ യൂറോപ്പിലെ ശാസ്ത്രവിഭാഗത്തിലെ നേട്ടം കൊയ്തവരുടെ 30 അംഗ പട്ടികയില്‍ ഇടംപിടിച്ചും നികിത ശ്രദ്ധേയയായിരുന്നു. പ്ലസ്ടുവരെയുള്ള വിദ്യാഭ്യാസം പൂര്‍ത്തിയാക്കിയത് വാടകരയിലാണ് . സി.ബി.എസ്.ഇ ജില്ലാ സെക്കന്‍ഡ് ടോപ്പറും, സോഷ്യല്‍ സയന്‍സില്‍ ഇന്ത്യയില്‍ വെച്ച് ഒന്നാമതുമായിരുന്നു. .