തണുപ്പുകാലത്ത് മൂടിപ്പുതച്ച് ഇരിക്കേണ്ട! യാത്ര പോകാം...

തണുപ്പുകാലത്തെ യാത്രയ്ക്ക് അനുയോജ്യമായ സ്ഥലങ്ങൾ


ജോഷി മഠ്- ഉത്തരാഖണ്ഡിലെ ഏറ്റവും പ്രശസ്തമായ തീർഥാനട കേന്ദ്രം .
ഹിമാലയത്തിലേക്കുള്ള യാത്രകൾക്കും ട്രക്കിങ്ങിനും തീർഥാടനത്തിനും ഒക്കെയായി എത്തിച്ചേരുന്ന ഇടമാണിത്. കൂടാതെ ആദി ശങ്കരാചാര്യ സ്ഥാപിച്ച നാല് പ്രധാന മഠങ്ങളില്‍ ഒന്നുകൂടിയാണിത്. ശങ്കരാചാര്യ മഠ്, നരസിംഹ ക്ഷേത്രം,തപോവൻ, റോപ് വേ, കൽപേശ്വർ തുടങ്ങിയ സ്ഥലങ്ങളാണ് ഇവിടെ സന്ദര്‍ശിക്കുവാനുള്ളത്.മധ്യപ്രദേശിൽ അധികമാർക്കും അറിയപ്പെടാത്ത ഒരു സ്ഥലമുണ്ട്. ഓർച്ച . തണുപ്പു സമയമാണ് ഇവിടുത്തെ കാഴ്ചകൾ കണ്ട് ആസ്വദിക്കുവാൻ പറ്റിയ സമയം. മധ്യപ്രദേശിന്റെ അറിയപ്പെടാത്ത രത്നം എന്നാണ് ഓർച്ചയെ വിശേഷിപ്പിക്കുന്നത് .അവിടവിടെ കുറച്ചു വീടുകളും കടകളുമുള്ള ഒരു ചെറിയ ഗ്രാമം. പ്രധാനപ്പെട്ട എല്ലാ സൗധങ്ങളും അമ്പലങ്ങളും നില്‍ക്കുന്നിടത്തു നിന്ന് തന്നെ കാണാം.
കാശ്മീരിലെ ഏറ്റവും മനോഹരമായ സ്ഥലങ്ങളിലൊന്നാണ് സോന്മാർഗ്. ശ്രീനഗറിൽ നിന്നും 87 കിലോമീറ്റർ അകലെ സ്ഥിതി ചെയ്യുന്ന ഇവിടം കാശ്മീരിൽ എത്തിയാൽ വിട്ടുപോകാതെ സന്ദർശിക്കേണ്ട സ്ഥലങ്ങളിലൊന്നാണ്. എന്നാൽ മഞ്ഞുകാലത്ത് ഇവിടേക്ക് പ്രവേശിക്കുക എന്നത് അല്പം ശ്രമകരമായ കാര്യം തന്നെയാണ്. കഠിനമായ മഞ്ഞു വീഴ്ചയും ഹിമപാതവും കാരണം സാധാരണയായി ആളുകൾ ഈ സമയത്ത് ഇവിടേക്ക് യാത്ര നടത്താറില്ല. എങ്കിലും അതിസാഹസികർ ഇവിടെ എത്തിച്ചേരാറുണ്ട്. പ്രതിരോധ രംഗത്ത് ഇന്ത്യൻ ആർമിയുടെ പ്രധാനപ്പെട്ട പോയിന്‍റുകളിൽ ഒന്നുകൂടിയാണ്
ദേവതാരു മരങ്ങൾ കൊണ്ടും മഞ്ഞുമൂടിയ പർവ്വത നിരകൾ കൊണ്ടും ചുറ്റപ്പെട്ടു കിടക്കുന്ന ധർമ്മശാല ടിബറ്റിൻറെ സംസ്കാരത്തെ അറിയുവാനായി പോകാന്‍ യോജിച്ച സ്ഥലമാണ്. എപ്പോൾ വേണമെങ്കിലും ഇവിടം സന്ദർശിക്കാമെങ്കിലും ഇതിന്റെ യഥാർഥ ഭംഗി മനസ്സിലാക്കുവാൻ പറ്റിയത് തണുപ്പുകാലമാണ്. ലാമകളുടെ നാട് എന്നറിയപ്പെടുന്ന ഇവിടം ദലൈലാമയുടെ ആസ്ഥാനം കൂടിയാണ്.
മൂന്നാറിലെ തണുപ്പ് എന്താണ് എന്നറിയണമെങ്കിൽ പോകാൻ പറ്റിയ സമയമാണിത്. മഞ്ഞിൽ പൊതിഞ്ഞു കിടക്കുന്ന മരങ്ങളും ഇലകളും റോഡുകളും ഇപ്പോൾ ഇവിടെ സ്ഥിരം കാഴ്ചയായി മാറിയിട്ടുണ്ട്. മൈനസിലേക്ക് താഴ്ന്ന ഇവിടുത്തെ താപനില അനുഭവിച്ചറിയാനായി സഞ്ചാരികളുടെ ഒഴുക്കും ഇപ്പോൾ തുടങ്ങിയിട്ടുണ്ട്. എന്നാല്‍ ഈ സഞ്ചാരികള്‍ മൂന്നാർ മാത്രം കണ്ടിറങ്ങുകയല്ല ചെയ്യുന്നത്. ടോപ് സ്റ്റേഷനും വട്ടവടയും കണ്ട.