രവി പൂജാരിയെ വിട്ടുകിട്ടണമെന്ന് ആവശ്യപ്പെട്ട് കൊച്ചി സിറ്റി പോലീസ് ഇൻറർപോളിനെ സമീപിച്ചു

വിദേശത്ത് അറസ്റ്റിലായ മുംബൈയിലെ കുപ്രസിദ്ധ കുറ്റവാളി രവി പൂജാരിയെ വിട്ടുകിട്ടണമെന്ന് ആവശ്യപ്പെട്ട് കൊച്ചി സിറ്റി പോലീസ് ഇൻറർപോളിനെ സമീപിച്ചു. ബ്യൂട്ടിപാർലർ വെടിവെപ്പ് കേസിൽ പ്രതിയാണെന്നും, തെളിവെടുപ്പിന് ആവശ്യമാണെന്നും കാണിച്ചാണ് കത്തയച്ചത്. എന്നാൽ പൂജാരിയെ ഇന്ത്യയിലേക്ക് എന്ന എത്തിക്കുമെന്ന് കാര്യത്തിൽ തന്നെ ഇനിയും വ്യക്തത ഉണ്ടായിട്ടില്ല. നടി ലീന മരിയ പോൾ കൊച്ചിയിൽ നടത്തുന്ന ബ്യൂട്ടിപാർലറിന് നേരെ ആക്രമണം ഉണ്ടായത് ഇക്കഴിഞ്ഞ ഡിസംബർ 15ന്. ബൈക്കിലെത്തിയ രണ്ടംഗസംഘം വെടിയുതിർത്ത് മടങ്ങുമ്പോൾ അധോലോക കുറ്റവാളി രവി പൂജാരിയുടെ പേരെഴുതിയ കടലാസ് സ്ഥലത്ത് ഉപേക്ഷിച്ചതായിരുന്നു ആദ്യ സൂചന. 25 കോടി ആവശ്യപ്പെട്ട് തൊട്ടുമുൻപുള്ള ദിവസങ്ങളിൽ പൂജാരി ഫോണിൽ ബന്ധപ്പെട്ടതായി ലീന മരിയ മൊഴിയും നൽകി.
റെക്കോർഡ് ചെയ്‌ത സംഭാഷണം പരിശോധിച്ച് ശബ്ദം പൂജാരിയുടേതെന്ന് ഉറപ്പിക്കുകയും ചെയ്തു.
എന്നാൽ വിദേശത്ത് കഴിയുന്ന പൂജാരിയെ കിട്ടാൻ ഒരു വഴിയുമില്ലാതിരിക്കെ വെടിവയ്പിന് ഏർപ്പാട് ചെയ്‌ത പ്രാദേശിക ക്രിമിനൽ സംഘങ്ങളെ കണ്ടെത്താനായിരുന്നു അന്വേഷണം. ഇതിനിടെയാണ് ഒട്ടും പ്രതീക്ഷിക്കാതെ മറ്റൊരു കേസിൽ ദക്ഷിണാഫ്രിക്കയിൽ അറസ്റ്റ് നടക്കുന്നത്‌. ഇന്ത്യയിലേക്ക് എത്തിക്കാൻ ചാരസംഘടനയായ റോയും ഇന്റലിജൻസ് ബ്യൂറോയും ശ്രമം തുടരുമ്പോഴാണ് കൊച്ചി പോലീസും ഇടപെടുന്നത്. വെടിവയ്പ് കേസിന്റെ വിശദാംശങ്ങൾ ഉൾപ്പെടുത്തി സിബിഐ മുഖേന ഇന്റർപോളിന് കത്തയച്ചത് ആദ്യപടിയാണ്. കർണാടക മഹാരാഷ്ട്ര രാജസ്ഥാൻ തുടങ്ങി പല നാടുകളിലായി 70ലേറെ കേസുകൾ പൂജാരിയുടെ പേരിലുണ്ട്. വർഷങ്ങൾ പഴക്കമുള്ള ഈ കേസുകൾ നിലനിൽക്കെ കൊച്ചിയിലെ കേസിനായി വിട്ടുകിട്ടുക സാധാരണ നിലയിൽ എളുപ്പമല്ല.
അതുകൊണ്ടാണ് മുൻകൂർ അവകാശവാദം ഉന്നയിച്ച് കത്തയച്ചത്.
വെടിവയ്പ് ഉണ്ടായ സ്ഥാപനത്തിലെ സെക്യൂരിറ്റി ജീവനക്കാരന്റെ മൊഴിയുടെ അടിസ്ഥാനത്തിൽ ആദ്യം രജിസ്റ്റർ ചെയ്‌ത എഫ്‌ഐആറിൽ രവി പൂജാരി പ്രതിയല്ല. അതുകൊണ്ട് തന്നെ പിന്നീട് പൊലീസ് രേഖപ്പെടുത്തിയ ലീന മരിയ പോളിന്റെ മൊഴിയുടെ അടിസ്ഥാനത്തിൽ പൂജാരിയെ പ്രതിചേർത്ത് അന്വേഷണസംഘം വൈകാതെ കോടതിക്ക് റിപ്പോർട്ട് നൽകും. പ്രതിയെ കസ്റ്റഡിയിൽ വിട്ടുകിട്ടാൻ ഇത് അനിവാര്യമാണ്.Subscribe to News60 :https://goo.gl/VnRyuF Read: http://www.news60.in/ https://www.facebo.