കേരളത്തിലെ ഡാമുകള്‍ തകരില്ല! വ്യാജന്മാരെ തിരിച്ചറിയുക

ദുരിതാശ്വാസ പ്രവര്‍ത്തനത്തില്‍ ചില മേഖലകളില്‍ വീഴ്ച വന്നതില്‍ മുഖ്യമന്ത്രിക്ക് അതൃപ്തി പ്രകടിപ്പിച്ചു

മഴക്കെടുതികള്‍ക്കിടയില്‍ വ്യാജപ്രചരണങ്ങള്‍ നടത്തി ജനങ്ങളെ പരിഭ്രാന്തരാക്കുന്നവര്‍ക്കെതിരെ കര്‍ശന നിയമനടപടി സ്വീകരിക്കുമെന്ന് മുഖ്യമന്ത്രി അറിയിച്ചു
സമൂഹ മാധ്യമങ്ങളില്‍ കൂടെ ഉള്ള വ്യാജ പ്രച്ചരനങ്ങളെ തിരിച്ചറിയാന്‍ ജനങ്ങള്‍ക്ക് കഴിയണം എന്ന് മുഖ്യമന്ത്രി പിണറായി വിജയന്‍ അറിയിച്ചു.മുല്ലപ്പെരിയാര്‍ ഉള്‍പ്പടെയുള്ള ഡാമുകള്‍ക്ക് ബലക്ഷയം സംഭവിച്ചതായും ഡാമുകള്‍ തകരും എന്ന തരത്തിലുമാണ് സമൂഹമാധ്യമങ്ങളിലൂടെ വാര്‍ത്തകള്‍ പ്രചരിപ്പിക്കുന്നത്. മുല്ലപെരിയാര്‍ ഉള്‍പ്പടെ കേരളത്തിലെ ഒരു ഡാമിനും ഒരപകടവും സംഭവിച്ചിട്ടില്ല. എല്ലാ സുരക്ഷാ മാനദണ്ഡങ്ങള്‍ പാലിച്ചുകൊണ്ടാണ് കേരളത്തിലെ എല്ലാ ഡാമുകളും പ്രവര്‍ത്തിക്കുന്നതെന്ന് മന്ത്രി എംഎം മണിയും ഇന്നലെ വ്യക്തമാക്കിയിരുന്നു.. യഥാര്‍ഥ വിവരങ്ങള്‍ ഉള്‍ക്കൊള്ളുന്ന നിര്‍ദേശങ്ങള്‍ പിന്തുടരാന്‍ സമൂഹം തയാറാകണമെന്നും അദ്ദേഹം പറഞ്ഞു.
റവന്യൂ വകുപ്പിനാണ് യോഗത്തില്‍ വിമര്‍ശനം നേരിടേണ്ടി വന്നത്. ചില മേഖലകളില്‍ ഏകോപനം ഉണ്ടായില്ലെന്നു വിമര്‍ശനം ഉണ്ടായി. നംതിട്ട ജില്ലയില്‍ നിരവധിപ്പേരാണ് വീടുകളില്‍ കുടുങ്ങിക്കിടക്കുന്നത്. ഇക്കാര്യം യോഗത്തില്‍ വിശദീകരിച്ചപ്പോഴാണ് വിമര്‍ശനം ഉണ്ടായത്. സാഹചര്യങ്ങള്‍ മുന്‍കൂട്ടി കാണുന്നതില്‍ വീഴ്ച വന്നുവെന്ന് യോഗത്തില്‍ അഭിപ്രായം ഉയര്‍ന്നു.

Kerala dams are strong; cm against fake news.