രാജ്യത്തെ ഏറ്റവും വൃത്തിയുള്ള റെയില്‍വെ സ്റ്റേഷന്‍ ജോധ്പൂരും മാര്‍വാറും

രാജ്യത്തെ ഏറ്റവും വൃത്തിയുള്ള റെയില്‍വെ സ്റ്റേഷനുകളായി രാജസ്ഥാനിലെ ജോധ്പൂരും മാര്‍വാറും തിരഞ്ഞെടുക്കപ്പെട്ടു.


ജോധ്പുര്‍ എ വണ്‍ വിഭാഗത്തിലും മാര്‍വാര്‍ എ വിഭാഗത്തിലുമാണ് ഏറ്റവും വൃത്തിയുള്ള സ്റ്റേഷനുകളായി തിരഞ്ഞെടുക്കപ്പെട്ടതെന്ന് റെയില്‍വെ മന്ത്രി പീയുഷ് ഗോയല്‍ അറിയിച്ചു.വരുമാനത്തിന്റെയും യാത്രക്കാരുടെ എണ്ണത്തിന്റെയും അടിസ്ഥാനത്തിലാണ് പ്രധാന സ്റ്റേഷനുകളെ എ, എ വണ്‍ വിഭാഗങ്ങളായി തരംതിരിച്ചിട്ടുള്ളത്. എ വണ്‍ വിഭാഗത്തില്‍ രാജസ്ഥാനിലെതന്നെ ജയ്പൂരിനാണ് രണ്ടാംസ്ഥാനം. ആന്ധ്രാപ്രദേശിലെ തിരുപ്പതി സ്റ്റേഷന്‍ മൂന്നാം സ്ഥാനം നേടി. എ വണ്‍ വിഭാഗത്തില്‍ കഴിഞ്ഞവര്‍ഷം ഒന്നാം സ്ഥാനത്തെത്തിയ വിശാഖപട്ടണം സ്റ്റേഷന്‍ ഇത്തവണ പത്താം സ്ഥാനത്തേക്ക് പിന്‍തള്ളപ്പെട്ടു.ശുചിത്വത്തിന്റെ കാര്യത്തില്‍ റെയില്‍വെ സ്റ്റേഷനുകള്‍ തമ്മിലുള്ള മത്സരം പ്രോത്സാഹിപ്പിക്കാനാണ് ഇത്തരത്തിലുള്ള തെരഞ്ഞെടുപ്പിലൂടെ ലെക്ഷ്യം വെക്കുന്നതെന്ന് റെയില്‍വെമന്ത്രി വാര്‍ത്താ സമ്മേളനത്തില്‍ വ്യക്തമാക്കി.എ വിഭാഗത്തില്‍ രാജസ്ഥാനിലെ ഭുലേറയ്ക്കും തെലങ്കാനയിലെ വാറങ്കലിനുമ രണ്ടും മൂന്നും സ്ഥാനങ്ങള്‍. പ്രധാനമന്ത്രി മോദിയുടെ മണ്ഡലത്തിലുള്ള വാരണാസിയ്ക്ക് 69ാം സ്ഥാനമാണുള്ളത്. എ വണ്‍ വിഭാഗത്തില്‍ ഡല്‍ഹിയിലെ ആനന്ദ് വിഹാര്‍ റെയില്‍വെ സ്റ്റേഷന്‍ അഞ്ചാം സ്ഥാനം നിലനിര്‍ത്തി. വൃത്തിയുള്ള പ്ലാറ്റ്‌ഫോമുകള്‍,ട്രാക്കുകള്‍, ചവറുകൊട്ടകള്‍ തുടങ്ങിയവ കണക്കിലെടുത്താണ് വൃത്തിയുള്ള റെയില്‍വെ സ്‌റ്റേഷനുകള്‍ കണ്ടെത്തിയത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Jodhpur and Marwar are the most cleanest railway station of the country.