സ്മാര്‍ട്ട് കെഎസ്ആര്‍ടിസി !


വിമാനത്താവളങ്ങളിൽ നിന്നും നഗരകേന്ദ്രങ്ങളിലേക്ക് എ.സി. മിനിബസ് പരീക്ഷണ ഓട്ടം ജൂലായ് മൂന്നു മുതൽ



തിരുവനന്തപുരം, കൊച്ചി, കരിപ്പൂർ വിമാനത്താവളങ്ങളിൽ നിന്നും നഗരകേന്ദ്രങ്ങളിലേക്ക് കെ.എസ്.ആർ.ടി.സി. എയർപോർട്ട് സ്മാർട്ട് ബസ് ആരംഭിക്കും.ജൂലായ് മൂന്നുമുതൽ പരീക്ഷണാടിസ്ഥാനത്തിൽ ഒരുമാസത്തേക്ക്‌ ബസുകൾ ഓടിത്തുടങ്ങും. വാടക ബസുകളിലാണ് പരീക്ഷണം. പദ്ധതി ലാഭകരമാണെങ്കിൽ കൂടുതൽ ബസുകൾ വാടകയ്‌ക്കെടുക്കും.ഫോഴ്‌സ് മോട്ടോഴ്‌സുമായിട്ടാണ് പരീക്ഷണ ഓട്ടത്തിന് കരാർ ഒപ്പിടുന്നത്. ബസും ഡ്രൈവറും കമ്പനി സൗജന്യമായി നൽകും. ബസിന്റെ ഇന്ധനവും കണ്ടക്ടറും കെ.എസ്.ആർ.ടി.സിയുടെതാകും.മൂന്ന് ബസുകളാണ് ആദ്യഘട്ടത്തിൽ എത്തുക.വിമാനത്താവളങ്ങളിൽ നിന്നും യാത്രക്കാർ ഇറങ്ങിവരുന്നതിന്റെ തൊട്ടടുത്ത് കെ.എസ്.ആർ.ടി.സി.യുടെ സ്മാർട്ട് ബസ് ഉണ്ടാകും. വിമാനങ്ങൾ എത്തിച്ചേരുന്നതിന് അനുസരിച്ച് ബസുകളുടെ സമയം ക്രമീകരിക്കും. രാത്രിയും ബസുകളുണ്ടാകും. കൃത്യമായ സർവീസുകളായിരിക്കും സ്മാർട്ട് ബസിന്റെ പ്രത്യേകത. ശീതീകരിച്ച വാഹനത്തിൽ 21 സീറ്റുകളുണ്ട്.കേരളം ഒഴികെയുള്ള സംസ്ഥാനങ്ങളിൽ വിമാനത്താവളങ്ങളിൽ നിന്നും നഗരകേന്ദ്രങ്ങളിലേക്ക് ഇത്തരം ബസുകളുണ്ട്.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

ksrtc airport smart buses from july 3rd.