ഫുജൈറയിലെ അപൂര്‍വയിടം


ഫുജൈറയിലെ വാദി വുറായയെ ജൈവമണ്ഡല മേഖലയായി യുഎന്‍ പൈതൃക സമിതിയായ യുനസ്‌കോ പ്രഖ്യാപിച്ചു



പ്രകൃതിയും മനുഷ്യരും തമ്മിലുള്ള സന്തുലിതാവസ്ഥ കാത്തുസൂക്ഷിക്കുന്ന അപൂര്‍വയിടമായ ഈ പ്രദേശം ജലസ്രോതസ്സുകള്‍, സസ്യജാലങ്ങള്‍ എന്നിവകളാല്‍ സമ്പന്നമാണെന്നും അപൂര്‍വ ജീവജാലങ്ങളുടെ ആവാസകേന്ദ്രമാണെന്നും യുഎന്‍ വിലയിരുത്തി.യുനസ്‌കോയുടെ പൈതൃക പട്ടികയില്‍ ഇതു വരെ ഇത്തരത്തിലുളള 24 കേന്ദ്രങ്ങളാണ് സ്ഥാനം പിടിച്ചിട്ടുള്ളത്. ഇത്തരം 24 കേന്ദ്രങ്ങളാണ് യുനസ്കോയുടെ പൈതൃക പട്ടികയിലുള്ളത്. സംരക്ഷിതമേഖലയായ വാദി വുറായയിൽ 81 ഇനം പക്ഷികൾ ഉള്ളതായാണു കണക്ക്. ഇരുപതിനം സസ്തനികളെയും ഒൻപതിനം ഉരഗങ്ങളെയും കണ്ടെത്തിയിട്ടുണ്ട്. ലോകത്ത് അറിയപ്പെടുന്ന 30 ഇനം തുമ്പികളിൽ 22 ഇനം ഇവിടെയുണ്ട്. ഒട്ടേറെ ചെറുജീവികൾ ഇവിടെ സുരക്ഷിതമായി കഴിയുന്നു. വംശനാശ ഭീഷണി നേരിടുന്ന പലയിനങ്ങളെയും ഗവേഷകർ കണ്ടെത്തിയിരുന്നു.


ഇവിടം കേന്ദ്രീകരിച്ച് ഇക്കോ ടൂറിസം പദ്ധതി തുടങ്ങാൻ പരിസ്ഥിതി-കാലാവസ്ഥാ മാറ്റ മന്ത്രാലയം ഒരുങ്ങുകയാണ്.


ഹജ്ർ മലനിരകളുടെ ഭാഗമായ മനോഹരമായ ഈ മേഖലയിൽ വിനോദസഞ്ചാരികൾക്കു നിയന്ത്രണമുണ്ടെങ്കിലും ചുറ്റുമുള്ള പാറക്കെട്ടുകളിൽ നിന്നു താഴ്‌വാരത്തിലെ കാഴ്ചകൾ കാണാൻ മലയാളികൾ ഉൾപ്പെടെയുള്ളവർ എത്തുന്നു.ആറു വാദികളിൽ നിന്നുള്ള 371 ചാലുകൾ ഇവിടെയുള്ളതായി കണ്ടെത്തിയിട്ടുണ്ട്. ഇവ 301 കിലോമീറ്ററോളം വ്യാപിച്ചുകിടക്കുന്നു. രാജ്യത്തെ ആദ്യത്തെ സംരക്ഷിത പർവതമേഖലയെന്ന പ്രത്യേകതയുമുണ്ട്.ജലാശയങ്ങളുള്ള പർവതമേഖലകൾ മരുഭൂമിയിൽ അപൂർവമല്ലെങ്കിലും ശുദ്ധജലതാഴ്‌വാരങ്ങൾ അപൂർവമാണെന്ന് ഗവേഷകർ പറയുന്നു. ശുദ്ധജലതീരങ്ങളിൽ കാണുന്ന വൃക്ഷങ്ങളും വള്ളിപ്പടർപ്പുകളും ഇവിടെ കാണാനാകും.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Fujairah's Wadi Wurayah wins new UNESCO status.