ചത്ത് അടിഞ്ഞ തി​മിം​ഗ​ല​ത്തി​ന്‍റെ വ​യ​റ്റി​ല്‍ 6 കി​ലോയോളം​ പ്ലാ​സ്റ്റി​ക് മാ​ലി​ന്യ​ങ്ങ​ൾ


മ​നു​ഷ്യ​ന്‍ വ​ലി​ച്ചെ​റി​യു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ള്‍ വ​ലി​യ തോ​തി​ല്‍ ക​ട​ല്‍ ജീ​വി​ക​ളു​ടെ ജീ​വ​നെ​ടു​ക്കു​ന്നു.


ഇ​ന്തോ​നേ​ഷ്യ​യി​ലെ ക​പ്പോ​ട്ട ദ്വീ​പി​ലെ ക​ട​ല്‍​ത്തീ​ര​ത്ത് ചത്ത് അടിഞ്ഞ തി​മിം​ഗ​ല​ത്തി​ന്‍റെ വ​യ​റ്റി​ല്‍ ക​ണ്ടെ​ത്തി​യ​ത് ആ​റു കി​ലോ​യോ​ളം പ്ലാ​സ്റ്റി​ക് മാ​ലി​ന്യ​ങ്ങ​ൾ. വാ​ക്ക​ടോ​ബി നാ​ഷ​ണ​ൽ പാ​ർ​ക്കി​ലാ​ണ് 31 അ​ടി നീ​ള​മു​ള്ള തി​മിം​ഗ​ല​ത്തി​ന്‍റെ മൃ​ത​ദേ​ഹം അ​ടി​ഞ്ഞ​ത്. മൃ​ത​ദേ​ഹം പ​രി​ശോ​ധി​ച്ച​പ്പോ​ഴാ​ണ് തി​മിം​ഗ​ല​ത്തി​ന്‍റെ വ​യ​റ്റി​നു​ള്ളി​ല്‍​നി​ന്ന് വ​ലി​യ ​തോ​തി​ല്‍ പ്ലാ​സ്റ്റി​ക് മാ​ലി​ന്യ​ങ്ങ​ള്‍ ക​ണ്ടെ​ത്തി​യ​ത്. ഏ​ഷ്യ​ൻ രാ​ജ്യ​ങ്ങ​ളാ​യ ചൈ​ന, ഇന്തോ​​നേ​ഷ്യ, ഫി​ലി​പ്പീ​ൻ​സ്, വി​യ​റ്റ്നാം, താ​യ്‌​ല​ൻ​ഡ് എ​ന്നി​വി​ട​ങ്ങ​ളി​ലെ 60 ശ​ത​മാ​നം പ്ലാ​സ്റ്റി​ക്ക് മാ​ലി​ന്യ​വും അ​വ​സാ​നം ക​ട​ലി​ലാ​ണ് എ​ത്തി​ച്ചേ​രു​ന്ന​ത്. ഗ്ലാ​സു​ക​ൾ, പ്ലാ​സി​ക്ക് കു​പ്പി​ക​ൾ, ബാ​ഗു​ക​ൾ, ചെ​രു​പ്പു​ക​ൾ തു​ട​ങ്ങി നി​ര​വ​ധി വ​സ്തു​ക്ക​ളാ​ണ് തി​മിം​ഗ​ല​ത്തി​ന്‍റെ വ​യ​റ്റി​ല്‍ ഉ​ണ്ടാ​യി​രു​ന്ന​തെ​ന്ന് ഡ​ബ്ല്യു​ഡ​ബ്ല്യു​എ​ഫ് പ​റ​ഞ്ഞു. വ​ള​രെ നീ​ള​മു​ള്ള​താ​ണെ​ങ്കി​ലും മ​ലി​ഞ്ഞ് ഒ​ട്ടി​യ​താ​യി​രു​ന്നു തി​മിം​ഗ​ല​ത്തി​ന്‍റെ ശ​രീ​രം. വ​ര്‍​ധി​ച്ച തോ​തി​ല്‍ വ​യ​റ്റി​ലെ​ത്തി​യ ഇ​ത്ത​രം വ​സ്തു​ക്ക​ള്‍ ദ​ഹി​ക്കാ​തെ പു​റ​ന്ത​ള്ളാ​നും സാ​ധി​ക്കാ​തെ വ​യ​റ്റി​ല്‍ കെ​ട്ടി​ക്കി​ട​ന്ന​താ​ണ് തി​മിം​ഗ​ലം ചാ​കാ​ന്‍ കാ​ര​ണ​മെ​ന്നാ​ണ് ഗ​വേ​ഷ​ക​ര്‍ പ​റ​യു​ന്ന​ത്. മ​നു​ഷ്യ​ന്‍ ഉ​പ​യോ​ഗ​ശേ​ഷം വ​ലി​ച്ചെ​റി​യു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ള്‍ വ​ലി​യ തോ​തി​ല്‍ ക​ട​ല്‍ ജീ​വി​ക​ളു​ടെ ജീ​വ​നെ​ടു​ക്കു​ന്നുണ്ടെന്നാണ് ഗ​വേ​ഷ​ക​ര്‍ പ​റ​യു​ന്ന​ത്.



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

dead whale found with 13 pounds of plastic in its stomach.