വാഹനാപകടങ്ങളിൽ ഒന്നാമത് എറണാകുളം; മരണത്തിൽ തിരുവനന്തപുരവും

റോഡുകളില്‍ ദിവസം ശരാശരി 11 പേരുടെ ജീവനാണ് പൊലിയുന്നത്

വാഹനാപകടങ്ങളില്‍ മുന്നില്‍ എറണാകുളവും മരണത്തില്‍ തിരുവനന്തപുരവുമാണ് ഒന്നാമത്. സംസ്ഥാനത്ത് എട്ടുമാസത്തിനിടെ 25,628 വാഹനാപകടങ്ങളില്‍ 2632 പേര്‍ മരിച്ചെന്ന് പോലീസിന്റെ കണക്ക്. റോഡുകളില്‍ ദിവസം ശരാശരി 11 പേരുടെ ജീവനാണ് പൊലിയുന്നത്. വാഹനാപകടങ്ങളുടെ എണ്ണത്തില്‍ മെട്രോ നഗരമായ കൊച്ചിയാണ് മുന്നില്‍. മരണത്തില്‍ തിരുവനന്തപുരവും.
എട്ടുമാസത്തിനുള്ളില്‍ എറണാകുളം ജില്ലയില്‍ 3707 അപകടങ്ങളാണുണ്ടായത്.
1448 എണ്ണം സിറ്റിയിലും 2259 എണ്ണം റൂറലിലും. രണ്ടിലുമായി 292 പേര്‍ മരിച്ചു. തിരുവനന്തപുരം സിറ്റിയില്‍ 123 റൂറലില്‍ 213 എന്നിങ്ങനെ ആകെ 336 പേരാണ് ജില്ലയില്‍ വാഹനാപകടങ്ങളില്‍ മരിച്ചത്. ഇവിടെ 3664 അപകടങ്ങള്‍ നടന്നു. അപകടങ്ങളുടെ എണ്ണത്തില്‍ രണ്ടാംസ്ഥാനത്താണ് തിരുവനന്തപുരം.
അപകടങ്ങള്‍ വരുത്തുന്നതില്‍ ഇരുചക്രവാഹനങ്ങളും സ്വകാര്യ ബസുകളുമാണ് മുന്നില്‍.
പത്തുവര്‍ഷത്തിനിടെ 55,217 സ്വകാര്യ ബസുകളുണ്ടാക്കിയ അപകടങ്ങളില്‍ 7293 പേര്‍ മരിച്ചു. മത്സരയോട്ടമാണ് പ്രധാനമായും അപകടങ്ങള്‍ക്ക് കാരണം. കെ.എസ്.ആര്‍.ടി.സി. ബസുകളും ഒട്ടും പിന്നിലല്ല. 15,226 അപകടങ്ങളില്‍ 2635 പേരാണ് മരിച്ചത്.
അശ്രദ്ധമായി വാഹനം ഓടിക്കുന്നവരുടെ എണ്ണവും കൂടുകയാണെന്ന് ഡ്രൈവര്‍മാര്‍ക്കെതിരേ നടപടിയെടുത്ത കണക്കുകളിലെ വര്‍ധന സൂചിപ്പിക്കുന്നു. വാഹനാപകടങ്ങളും മരണവും കുറഞ്ഞ ജില്ല വയനാടാണ്.
388 അപകടങ്ങളും 32 മരണവുമാണ് വയനാട്ടിലുണ്ടായത്.
രാത്രിയാണ് വാഹനാപകടങ്ങള്‍ കൂടുതലെന്നാണ് നാഷണല്‍ ട്രാന്‍സ്പോര്‍ട്ടേഷന്‍ പ്ലാനിങ് ആന്‍ഡ് റിസര്‍ച്ച് സെന്റര്‍ (നാറ്റ്പാക്ക്) അധികൃതര്‍ പറയുന്നത്. 10 മുതല്‍ 15 ശതമാനം വാഹനങ്ങളേ രാത്രിയി.