ആറുലക്ഷത്തോളം റേഷൻ വാങ്ങാത്ത കുടുംബങ്ങളുടെ കാർഡ് പരിശോധിക്കും

മുൻഗണനാ വിഭാഗത്തിലെ 2.82 ലക്ഷം അനർഹരെ ഒഴിവാക്കി അർഹരായ ഒരുലക്ഷം കുടുംബങ്ങൾ ഇപ്പോഴും പുറത്ത്

റേഷൻ വാങ്ങാത്ത ആറുലക്ഷത്തോളം കുടുംബങ്ങളുടെ കാർഡ് സിവിൽ സപ്ലൈസ് വകുപ്പ് പരിശോധിക്കും
ആനുകൂല്യമുള്ള റേഷന്‍ കാര്‍ഡ് ഉണ്ടായിട്ടും റേഷന്‍ വാങ്ങാത്ത കുടുംബങ്ങളുടെ കാര്‍ഡ് പരിശോധിക്കും. വീടുകളില്‍ നേരിട്ട് എത്തിയായിരിക്കും പരിശോധന.
മുൻഗണന, അന്ത്യോദയാ, സബ്‌സിഡി വിഭാഗങ്ങളുൾപ്പെടെ ആറുലക്ഷത്തോളം കുടുംബങ്ങൾ കഴിഞ്ഞമാസം റേഷൻ വാങ്ങാത്തത് എന്തുകൊണ്ടെന്ന് സിവിൽ സപ്ലൈസ് വകുപ്പ് പരിശോധിക്കും. വീടുകളിൽ നേരിട്ടെത്തിയായിരിക്കും പരിശോധന. 81 ലക്ഷം കുടുംബങ്ങളിൽ സബ്‌സിഡി ലഭിക്കുന്ന മൂന്നുലക്ഷമുൾപ്പെടെ ആറുലക്ഷത്തോളം കുടുംബങ്ങളാണ് നവംബർമാസത്തെ റേഷൻ വിഹിതം വാങ്ങാത്തത്.
സൗജന്യം ലഭിക്കുന്ന വിഭാഗങ്ങൾ സാമ്പത്തിക സ്ഥിതിയുണ്ടായിട്ടും റേഷൻ വാങ്ങാത്തതാണോയെന്നാണ് പ്രധാനമായും പരിശോധിക്കുന്നത്. സ്ഥലത്ത് ഇല്ലാത്തവരെങ്കിൽ പരിശോധനയിൽ ഇവർ അനർഹരാണെന്ന് കണ്ടെത്തിയാൽ ഒഴിവാക്കും.
29 ലക്ഷം കുടുംബങ്ങളാണ് മുൻഗണനാ വിഭാഗത്തിലുള്ളത് അഥവാ പിങ്ക് വിഭാഗത്തിലുള്ളത്.
ഇവരിൽ 91,918 കുടുംബങ്ങൾ റേഷൻ ധാന്യം വാങ്ങിയില്ല. ആളൊന്നിന് നാലുകിലോ അരിയും ഒരു കിലോ ഗോതമ്പുമാണ് ഇവർക്ക് ലഭിക്കുക. കൈകാര്യച്ചെലവായ രണ്ടുരൂപ കിലോയ്ക്ക് ഈടാക്കും. മുൻഗണനാവിഭാഗത്തിൽ എറണാകുളം ജില്ലയിൽ 14,974 കുടുംബങ്ങൾ റേഷൻ വാങ്ങിയിട്ടില്ല. അന്ത്യോദയാ വിഭാഗത്തിൽ 12,892 കുടുംബങ്ങൾ റേഷൻ വാങ്ങിയില്ല. ഇടുക്കി ജില്ലയിലാണ് കൂടുതൽ. ഇവിടെ 1759 കുടുംബങ്ങളാണ് റേഷൻ വാങ്ങാത്തത്. പൂർണമായും സൗജന്യമായി കാർഡ് ഒന്നിന് 30 കിലോ അരിയും അഞ്ചുകിലോ ഗോതമ്പുമാണ് ഇവർക്ക് ലഭിക്കുക.
സബ്‌സിഡി വിഭാഗത്തിൽ 1.8 ലക്ഷം പേരാണ് റേഷൻ വാങ്ങാത്തത്.
മൂന്നുരൂപ നിരക്കിൽ ഇവർക്ക് ആളോന.