100 ഹർത്താലുകൾ; ഇനി കടകൾ തുറക്കും, വാഹനങ്ങൾ ഓടും

കടകൾ തുറക്കാനും വാഹനങ്ങൾ ഓടിക്കാനും വാണിജ്യ-വ്യവസായ മേഖലയിലെ 36 സംഘടനകളുടെ തീരുമാനം

സംസ്ഥാനത്ത് 2017-ൽ 121 ഹർത്താലുകളും 2018-ൽ ഇതുവരെ 97 ഹർത്താലുകളും നേരിടേണ്ടിവന്നു.
ശരാശരി 100 ഹർത്താലുകൾ ഒരു വർഷം ഉണ്ടാകുമ്പോൾ വ്യാപാര-വ്യവസായ-ടൂറിസം മേഖലകളിലായി കോടിക്കണക്കിന്‌ രൂപയുടെ നഷ്ടം സംഭവിക്കുന്നു.
സർക്കാർകണക്കുകൾപ്രകാരം ഏകദേശം 1.65 കോടിയോളം ആഭ്യന്തര-വിദേശ വിനോദസഞ്ചാരികളാണ് കേരളത്തിലെത്തുന്നത്. ദിവസം 70,000 പേരെങ്കിലും എത്തുന്നുണ്ട്. ഹർത്താലുകൾ വിനോദസഞ്ചാരമേഖലയ്ക്ക് ഒരു ദിവസം ഏകദേശം 200 കോടി രൂപയുടെ നഷ്ടമുണ്ടാക്കുന്നുവെന്നാണ് കണക്കെന്ന് ഹർത്താലിനെതിരേ കൊച്ചിയിൽ ട്രാവൽ മാർട്ട് സൊസൈറ്റി (കെ.ടി.എം.) വിളിച്ച യോഗം വ്യക്തമാക്കി. സഞ്ചാരസ്വാതന്ത്ര്യം ഉറപ്പുവരുത്തുന്നതിന് സർക്കാർ-പോലീസ് സഹായം തേടുക എന്ന ആവശ്യം യോഗം ഉന്നയിച്ചു.
ഫോട്ടോ, വീഡിയോ തുടങ്ങിയ തെളിവുകളുടെ സഹായത്തോടെ പ്രശ്നക്കാർക്കും ഹർത്താൽ പ്രഖ്യാപിക്കുന്നവർക്കും എതിരേ നഷ്ടപരിഹാരത്തിന് നടപടിയെടുക്കുക, സഞ്ചാരസ്വാതന്ത്ര്യം സംബന്ധിച്ച ഹൈക്കോടതി വിധി ലംഘിക്കപ്പെട്ടാൽ കോടതിയലക്ഷ്യ നടപടികൾ സ്വീകരിക്കുക തുടങ്ങിയ ആവശ്യങ്ങളും യോഗം ഉന്നയിച്ചു.
സ്വതന്ത്രവിഹാരവും ജോലിചെയ്ത് ജീവിക്കാനുള്ള അവകാശവും സംരക്ഷിക്കുന്നതിന് രാഷ്ട്രീയപാർട്ടികൾക്കിടയിൽ അഭിപ്രായസമന്വയമുണ്ടാക്കാൻ സർവകക്ഷിയോഗം വിളിക്കണമെന്ന് സർക്കാരിനോട് ആവശ്യപ്പെടും. ഹർത്താലിനെതിരേ പോരാടാൻ എല്ലാ വ്യാപാരസ്ഥാപനങ്ങളുടെയും സഹകരണത്തോടെ സംയുക്തഫോറം രൂപപ്പെടുത്താനും തീരുമാനിച്ചു.
ബന്ദും ഹർത്താലുമുള്ളപ്പോൾ കടകൾ തുറക്കാനും വാഹനങ്ങൾ ഓടിക്കാനും വാണിജ്യ-വ്യവസായ മേഖലയിലെ 36 സംഘടനകളുടെ ഹർത്താൽ വിരുദ്ധകൂട്ടായ്മയിൽ തീരുമാനം.
ഈ ദിവസങ്ങളിൽ എല്ലാ സ്വകാര്യബസുകളും സർവീസ് നടത്തും. ലോറികളും നിരത്തിലിറക്കും. 2019 ഹർത്താൽവിരുദ്ധവർഷമായി ആചരിക്കാനും തീരുമാനിച്ചു. ടൂറിസം മേഖലയിൽ തടസ്സമില്ലാതെ സ്ഥാപനങ്ങൾ പ്.