തോന്നുന്നപോലെ ഹര്‍ത്താല്‍ ഇനി നടപ്പില്ല

7 ദിവസം മുൻകൂർ നോട്ടിസ് നൽകണമെന്നു ഹൈക്കോടതി ഇടക്കാല ഉത്തരവ്





ഹർത്താൽ, പൊതുപണിമുടക്ക് എന്നിവയ്ക്കു 7 ദിവസം മുൻകൂർ നോട്ടിസ് നൽകണമെന്നു ഹൈക്കോടതി ഇടക്കാല ഉത്തരവ്.
അല്ലാത്തപക്ഷം നിയമ ലംഘനത്തിനു പുറമെ കർശന ബാധ്യതകളും ചുമത്തണം. . പ്രതിഷേധിക്കാനുള്ള അവകാശത്തേക്കാൾ മുകളിലാണു പൗരനു ജീവിക്കാനുള്ള അവകാശമെന്നു കോടതി നിരീക്ഷിച്ചു.നാളെ മുതൽ രണ്ടു ദിവസം നടക്കുന്ന പണിമുടക്കിൽ അനിഷ്ട സംഭവങ്ങൾ ഒഴിവാക്കാൻ നടപടികൾ പൊലീസ് സ്വീകരിച്ചതായി സർക്കാർ കോടതിയെ അറിയിച്ചു. കെഎസ്ആർടിസി ബസുകൾക്ക് സുരക്ഷ ഒരുക്കും.
പൊലീസ് സുരക്ഷ ആവശ്യപ്പെടുന്ന വ്യക്തികൾക്കും സ്ഥാപനങ്ങൾക്കും സുരക്ഷ നൽകുമെന്നും സർക്കാർ കോടതിയിൽ അറിയിച്ചു. പണിമുടക്കിൽ ജനങ്ങൾക്കു ബുദ്ധിമുട്ടുണ്ടാകാതിരിക്കാൻ എന്തു നടപടി സ്വീകരിച്ചു എന്ന് വ്യക്തമാക്കണമെന്നു കോടതി ആവശ്യപ്പെട്ടിരുന്നു. സംസ്ഥാനത്ത് ജനജീവിതം സ്തംഭിപ്പിച്ചു തുടർച്ചയായി നടക്കുന്ന ഹർത്താൽ വിഷയത്തിൽ ഹൈക്കോടതി സംസ്ഥാന സർക്കാരിന്റെ നിലപാട് ആരാഞ്ഞു. ഹർത്താലുകളും സമരങ്ങളും സംസ്ഥാനത്ത് നിരോധിക്കണമെന്ന് ആവശ്യപ്പെട്ട് കേരള ചേംബർ ഓഫ് കൊമേഴ്സ് ആൻഡ് ഇൻഡസ്ട്രി, തൃശൂരിലെ മലയാളവേദി തുടങ്ങിയവർ സമർപ്പിച്ച പൊതു താൽപര്യ ഹർജി പരിഗണിക്കുമ്പോഴാണ് ഇത്.ഹർത്താലിൽ നടക്കുന്ന അക്രമങ്ങൾ ഭരണഘടനാ വിരുദ്ധമാണ്. ഇതു ജനങ്ങളുടെ മൗലിക അവകാശത്തെയാണു ബാധിക്കുന്നത്. അക്രമങ്ങൾ തടയാൻ സമഗ്രമായ പദ്ധതി വേണം.
പ്രതിഷേധിക്കാൻ എല്ലാവർക്കും അവകാശമുണ്ട്. എന്നു കരുതി മറ്റുള്ളവരെ അതിൽ നിർബന്ധിച്ചു പങ്കെടുപ്പിക്കരുത്.
ഹർത്താൽ വെറും തമാശ പോലെയായി മാറുകയാണ്. ഹർത്താലുകൾ മൂലം ഓഫിസുകളുടെയും സ്കൂളുകളുടെയും പ്രവൃ ത്തി ദിനങ്ങൾ കുറയുകയാണ് – കോടതി വ്യക്തമാക്കി.ഹർത്താലിനെതിരായി ഉയരുന്ന ജനവികാരം അതു നടത്തുന്നവർ കാണുന്നില്ല എന്നുണ്ടോ എന്നു ചോദിച്ച കോടതി സ്ഥിരമായി അക്രമം നടക്കുന്ന സ്ഥലങ്ങൾ തിരിച്ചറിഞ്ഞിട്ടുണ്ടോയെന്നും എന്തുകൊണ്ടാണു നിയമ നിർമാണം നടത്താത്തതെന്നും സർക്കാരിനോടു ചോദിച്ചു.
2018ൽ മാത്രം സംസ്ഥാനത്തു 97 ഹർത്താലുകൾ നടത്തിയെന്നും കഴിഞ്ഞ ഒരു വർഷത്തിനിടെ ഇത്രയും ദിവസങ്ങൾ ജനജീവിതം സ്തംഭിച്ചെന്നും കേരള ചേംബർ ഓഫ് കൊമേഴ്സിന്റെ ഹർജിയിൽ ആരോപിക്കുന്നു. ഹർത്താൽ ദിനങ്ങളിൽ പൊതുമുതലിനുണ്ടാകുന്ന നാശനഷ്ടങ്ങൾ തിട്ടപ്പെടുത്താൻ ക്ലെയിംസ് കമ്മിഷനെ നിയമിക്കണമ.