ഇന്ത്യന്‍ ടൂര്‍? എങ്കില്‍ തീര്‍ച്ചയായും കാണേണ്ട സ്ഥലങ്ങള്‍!

സഞ്ചാരികളെ അരുണാചലിലേക്ക് അടുപ്പിക്കുന്ന ചില സ്ഥലങ്ങൾ ഉണ്ട്

ഉദയസൂര്യന്റെ നാടെന്നു അറിയപ്പെടുന്ന അരുണാചൽ പ്രദേശ് . സഞ്ചാരിയ്ക്കളെ അരുണാചലിലേക്ക് അടുപ്പിക്കുന്ന ചില സ്ഥലങ്ങൾ ഉണ്ട്. യാത്രകൾ ഇഷ്ടപ്പെടുന്നവർക്ക് പോകാൻ മികച്ച ഇടങ്ങൾ .ഇറ്റാനഗര്‍- അരുണാചല്‍ പ്രദേശിന്റെ തലസ്ഥാനമായ ഇറ്റാനഗര്‍ ഹിമാലയത്തിന്റെ താഴ്വരയിലാണ് സ്ഥിതി ചെയ്യുന്നത്.ഗംഗ തടാകം, ജവഹര്‍ലാല്‍ നെഹ്റു മ്യൂസിയം, കരകൗശല കേന്ദ്രം, വാണിജ്യ കേന്ദ്രം എന്നിവയാണ് ഇവിടുത്തെ ആകര്‍ഷണങ്ങള്‍. അരുണാചല്‍ പ്രദേശിന്റെ സംസ്‌കാരത്തിലേക്കും പൈതൃകത്തിലേക്കും വെളിച്ചം വീശുന്ന വിവിധ ഗോത്ര ശേഖരണങ്ങളാണ് മ്യൂസിയത്തിലുള്ളത്.രാജ്യത്തിന്റെ എല്ലാ ഭാഗത്തുനിന്നുമുള്ള ജനവിഭാഗങ്ങള്‍ ഇവിടെയുള്ളതിനാല്‍ ചെറിയ ഇന്ത്യ എന്ന് ഇറ്റാനഗറിനെ വിശേപ്പിക്കാറുണ്ട്
അധികം അറിയപ്പെടാത്ത അരുണാചല്‍ പ്രദേശിലെ ഒരു ഹിൽ സ്റ്റേഷൻ ആണ് ഖൊന്‍സാ അതിനാല്‍ തന്നെ അധികം സഞ്ചാരികളൊന്നും ഇവിടെ എത്തിച്ചേര്‍ന്നിട്ടില്ല. സമുദ്രനിരപ്പില്‍ നിന്ന് 1,215 മീറ്റര്‍ ഉയരത്തില്‍ സ്ഥിതി ചെയ്യുന്ന ഈ ഹില്‍സ്റ്റേഷന്‍ പ്രകൃതിസ്‌നേഹികള്‍ക്കും ഫോട്ടോഗ്രാഫര്‍മാര്‍ക്കും ഒരു പോലെ ഇഷ്ടപ്പെടുന്ന സ്ഥലമാണ്. പ്രകൃതിഭംഗിയാണ് ഇവിടെ എത്തിച്ചേരുന്നവരെ വിസ്മയിപ്പിക്കുന്നത്.അരുണാചല്‍ പ്രദേശിലെത്തിയാല്‍ തീര്‍ച്ചയായും കാണേണ്ട സ്ഥലങ്ങളില്‍ ഒന്നാണ് സമുദ്രനിരപ്പില്‍ നിന്നും 8000 അടി ഉയരത്തില്‍ സ്ഥിതി ചെയ്യുന്ന ബോംദില എന്ന ചെറു നഗരം. കിഴക്കന്‍ ഹിമാലയ നിരകളില്‍ അതിമനോഹരമായ പ്രകൃതി ദൃശ്യങ്ങളോടെ സന്ദര്‍ശകരെ കാത്തിരിക്കുന്ന പ്രശാന്തമായ നഗരമാണിത്.പ്രകൃതി ഭംഗിക്കും ആപ്പിള്‍ തോട്ടങ്ങള്‍ക്കും പുറമെ ബോംദില ബുദ്ധ വിഹാരങ്ങളാലും പ്രശസ്തമാണ്. നിരവധി ട്രക്കിങ് പാതകള്‍ ഉള്ളതിനാല്‍ സാഹസിക യാത്രക്കാര്‍ക്കും പ്രിയപ്പെട്ട സ്ഥലങ്ങളില്‍ ഒന്നാണിത്. അരുണാചല്‍ പ്രദേശിലെ വെസ്റ്റ്‌ കമേങ്‌ ജില്ലയുടെ ആസ്ഥാനമായ ഈ മനോഹര നഗരം പ്രകൃതിയുടെ പൂര്‍ണ സൗന്ദര്യം ആസ്വദിക്കാന്‍ ആഗ്രഹിക്കുന്നവര്‍ തീര്‍ച്ചയായും സന്ദര്‍ശിക്കേണ്ടതാണ്‌. ബോംദിലയില്‍ നിന്നും നോക്കിയാല്‍ മഞ്ഞ്‌ മൂടി കിടക്കുന്ന ഹിമാലയന്‍ മലനിരകളുടെ സൗന്ദര്യം ആസ്വദിക്കാന്‍ കഴിയും. ഇതിന്‌ പുറമെ ഈ നഗരത്തില്‍ നിരവധി ബുദ്ധ വിഹാരങ്ങളും കാണാനുണ്ട്‌. ബോംദിലയില്‍ എത്തുന്നവര്‍ക്ക്‌ മോമോസ്‌, തൂപ തുടങ്ങിയ പ്രാദേശിക ടിബറ്റന്.