യു.എ.ഇയില്‍ വാട്‌സ്‌ആപ്പ് സ്‌കൈപ്പ് കോളുകള്‍ ഉപയോഗിക്കുന്നവർക്ക് സന്തോഷ വാര്‍ത്ത

യു.എ.ഇയില്‍ വാട്‌സ്‌ആപ്പിനും സ്‌കൈപ്പിനും യു.എ.ഇ ടെലികോം ഏര്‍പ്പെടുത്തിയ നിരോധനം മാറ്റണമെന്നാവശ്യപ്പെട്ട് യു.എ.ഇയിലെ ബിസിനസ്സുകാരനാണ് ഇപ്പോൾ രംഗത്തെത്തിയിരിക്കുന്നത്.അല്‍ ഹത്ബൂര്‍ ഗ്രൂപ്പ് ചെയര്‍മാന്‍ ഖലാഫ് അല്‍ ഹത്ബൂര്‍ ആണ് ഈ ആവശ്യം ഉന്നയിച്ചത്. യു.എ.ഇയിലെ പ്രമുഖ ടെലികോം കമ്പനികളായ എത്തിസലാത്, ദു എന്നീ കമ്പനികളാണ് വാട്‌സ് ആപ്പിനും സ്‌കൈപ്പിനും രാജ്യത്ത് നിരോധനം ഏര്‍പ്പെടുത്തിയിരിക്കുന്നത്.

ഇത് രാജ്യത്തെ ഏറ്റവും വലിയ പ്രശ്‌നമാണെന്ന് അദ്ദേഹം ചൂണ്ടിക്കാട്ടുന്നു. ലോകം മുഴുവനുള്ള ജനങ്ങൾ വാട്‌സ് ആപ്പ് സ്‌കൈപ്പ് എന്നിവ ഉപയോഗിക്കുമ്പോൾ ഈ രാജ്യത്ത് മാത്രം എന്തിനാണ് നിരോധനം എന്നും അദ്ദേഹം ചോദിക്കുന്നു. എനിക്ക് ഈ രണ്ട് കമ്പനികളോടും ഒരേ ഒരു അപേക്ഷയേ ഉള്ളൂ, എത്രയും പെട്ടെന്ന് വാട്‌സ് ആപ്പിന്റേയും സ്‌കൈപ്പിന്റെയും നിരോധനം മാറ്റണം.ടെലികോം കമ്പനികളുടെ മാനേജ്മെന്റും ഡയറക്ടര്‍മാരും പുനര്‍വിചിന്തനം നടത്തണമെന്നും ജനങ്ങള്‍ക്കായി ഇത്തരം സേവനങ്ങള്‍ തുറന്നുകൊടുക്കണമെന്നും അദ്ദേഹം വീഡിയോ സന്ദേശത്തില്‍ ആവശ്യപ്പെട്ടു.

വോയ്സ് ഓവര്‍ ഇന്റര്‍നെറ്റ് സംവിധാനത്തില്‍ പ്രവര്‍ത്തിക്കുന്ന സൗജന്യ കോളിങ് സംവിധാനങ്ങള്‍ യുഎഇയില്‍ ടെലികോം കമ്പനികള്‍ അനുവദിച്ചിട്ടില്ല. പകരം കമ്പനികള്‍ നല്‍കുന്ന പ്ലാറ്റ്ഫോമുകളേ ഉപയോഗിക്കാനാവൂ. സ്കൈപിനും ഫേസ്ടൈമിനും ഉള്ള വിലക്ക് നീക്കുന്നത് സംബന്ധിച്ച് യുഎഇ ടെലികോം അധികൃതര്‍ മൈക്രോസോഫ്റ്റുമായും ആപ്പിളുമായും ചര്‍ച്ചകള്‍ നടത്തുന്നതായി നേരത്തെ വാര്‍ത്തകളുണ്ടായിരുന്നു.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

uae businessman wants-ban on whatsapp skype calls lifted pesobu.