ജോലി ബോറടിച്ചപ്പോള്‍ രോഗികളെ കൊന്ന നേഴ്സ്

കുറ്റം തെളിഞ്ഞാൽ നീൽസ് ജർമനിയുടെ ചരിത്രത്തിലെ ഏറ്റവും ഭീകരനായ പരമ്പരക്കൊലയാളിയാകും




ജോലിയിലെ വിരസത മറികടക്കാന്‍ രോഗികളെ കൊന്നു തള്ളിയ നേഴ്സ് - നല്പ്പത്തോന്നുകാരനായ നീൽസ് ഹോഗ്
നീൽസ് നൂറിലേറെ രോഗികളെ മരുന്നു കുത്തിവച്ചു കൊന്നുവെന്ന കേസില്‍ വിചാരണ നേരിടുകയാണ്. മരണമടഞ്ഞവരുടെ 126 ബന്ധുക്കൾ പരാതിക്കാരായി രംഗത്തുണ്ട്. മുൻപു നടന്ന വിചാരണകളിൽ കുറ്റം തെളിഞ്ഞ് 15 വർഷത്തെ തടവ് അനുഭവിക്കുകയാണ് ഇയാളിപ്പോൾ. സംശയം തോന്നിയ 134 മൃതദേഹങ്ങൾ പുറത്തെടുത്തു പരിശോധിച്ചിട്ടുണ്ട്. ഇവയിൽ നിന്നുള്ള ശാസ്ത്രീയ തെളിവുകൾ പുതിയ വിചാരണയിൽ നീൽസിനെതിരെ വിരൽചൂണ്ടുമെന്നാണ് അനുമാനം.
കുറ്റം തെളിഞ്ഞാൽ നീൽസ് ജർമനിയുടെ ചരിത്രത്തിലെ ഏറ്റവും ഭീകരനായ പരമ്പരക്കൊലയാളിയായി ചരിത്രത്തിൽ കുപ്രസിദ്ധി നേടും.
ഓൽഡൺബർഗ് കോടതിയിലാണ് വിചാരണ. 30 രോഗികളെ കൊന്നതായി നീൽസ് നേരത്തെ സമ്മതിച്ചിരുന്നു. എന്നാൽ കുറഞ്ഞത് 106 പേരെ കൊന്നിട്ടുണ്ടെന്നാണു പൊലീസിന്റെ നിഗമനം. ഇവരിൽ 34 മുതൽ 96 വയസ്സുള്ളവർ വരെയുണ്ട്.1999 മുതൽ 2005 വരെ 2 ആശുപത്രികളിലായി ജോലി ചെയ്തിരുന്നപ്പോഴാണ് ഇയാൾ ക്രൂരകൃത്യം ചെയ്തുകൂട്ടിയത്. ഹൃദയസ്തംഭനം ഉണ്ടാകുന്ന മരുന്നു കുത്തിവയ്ക്കുകയായിരുന്നു രീതി. ശേഷം രോഗിയെ രക്ഷിക്കാൻ ശ്രമിക്കും. രക്ഷപ്പെട്ടാൽ ബന്ധുക്കളുടെ മുന്നിൽ ദൈവദൂതനാകും. ഇങ്ങനെ ചെയ്തത് ജോലിയിലെ വിരസത മറികടക്കുകയായിരുന്നുവെന്ന് ഇയാൾ സമ്മതിച്ചിട്ടുണ്ട്.
2005 ൽ ഒരു രോഗിയെ കുത്തിവയ്ക്കുമ്പോഴാണ് പിടിക്കപ്പെട്ടത്.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

German nurse may have killed 100 patients.