ഐ.എ.എസുകാരനായ കണ്ണനെ അഭിനന്ദിച്ച്‌ പ്രശാന്ത് നായര്‍ ഐ എ .എസ്

കേരളത്തെ സഹായിക്കാന്‍ എത്തിയ 2012 ബാച്ച്‌ ഐ.എ.എസുകാരനാണ് കണ്ണന്‍


പ്രളയത്തില്‍ ദുരിതം അനുഭവിക്കുന്ന കേരളത്തെ സഹായിക്കാന്‍ എത്തിയ 2012 ബാച്ച്‌ ഐ.എ.എസുകാരനായ കണ്ണനെ അഭിനന്ദിച്ച്‌ പ്രശാന്ത് നായര്‍ ഐ എ .എസ്.''ഒരു ബാഗും തോളത്തിട്ട്‌ വിയര്‍ത്തൊലിച്ച്‌ കണ്ണന്‍ വന്ന് കേറിയപ്പോള്‍ ഒരത്ഭുതവും തോന്നിയില്ല'', സ്വന്തം നാട്ടിലെ ദുരിത ബാധിതരെ സഹായിക്കാന്‍ ആരും അറിയാതെ ലീവെടുത്ത് വന്ന കണ്ണനെ അഭിനന്ദിച്ച്‌ പ്രശാന്ത് നായര്‍ ഐ എ .എസ് ഫേസ്ബുക്കില്‍ കുറിച്ച വാക്കുകളാണിത്.ഒന്നും ഉരിയാടാതെ തന്റെ നാട്ടുകാര്‍ക്ക് വേണ്ടി സേവനം മാത്രം ലക്ഷ്യമാക്കി എത്തിയ കണ്ണന്‍ ഗോപിനാഥന്‍ ഐ .എ എസിനെ ആദ്യം തിരിച്ചറിഞ്ഞത് കളക്ടര്‍ മുഹമ്മദ് വൈ. സഫീറുള്ളയും സബ് കളക്ടര്‍ പ്രജ്ഞാല്‍ പട്ടീലുമാണ്. ഇക്കാര്യം വാര്‍ത്തയാതോടെയാണ് കണ്ണന്‍ ഗോപിനാഥന്‍ ഐ .എ.എസിനെ അഭിനന്ദിച്ച്‌ പ്രശാന്ത് നായര്‍ രംഗത്തെത്തിയത്. വടക്ക്‌ കിഴക്കന്‍ ഇന്ത്യയിലെ ഏറ്റവും പ്രിയങ്കരനും ജനസമ്മതനുമായ ഓഫീസറായിരുന്നു കണ്ണനെന്നും പ്രശാന്ത് നായര്‍ പറഞ്ഞു .കണ്ണന്‍ ഐ .എ .എസിനെ അഭിനന്ദിച്ച്‌ അദ്ദേഹത്തിന്റെ സുഹൃത്തും പരിസ്ഥിതി പ്രവര്‍ത്തകനുമായ ഹരീഷ് വാസുദേവന്റെ വാക്കുകള്‍ ഇങ്ങനെ, സത്യം പറയാമല്ലോ, കണ്ണന്‍ എന്റെ കണ്ണ് തുറപ്പിച്ചു. ചങ്ങാതി നന്നായാല്‍ കണ്ണാടി വേണ്ട എന്നൊരു ചൊല്ലുണ്ട്. ഞാനത് അനുഭവിച്ചു. കണ്ണാ, സുഹൃത്തും സഹപാഠിയും ആയതില്‍ പറഞ്ഞറിയിക്കാന്‍ ആകാത്ത അഭിമാനം തോന്നുന്നു..