നിശ്ചിത തുക മാസാവസാനം അടച്ച് പ്രത്യേക കാലാവധിയിലേക്ക് വാഹനം വാടകയ്ക്കെടുക്കാനാകുന്ന മഹീന്ദ്ര ലീസിങ് സ്‌കീം എന്ന പദ്ധതിയാണ് കമ്പനി പുതിയതായി അവതരിപ്പിക്കുന്നത്. ഇതിനായി ഒറിക്സ്, എ.എല്‍.ഡി. ഓട്ടോമോട്ടീവ് എന്നീ കമ്പനികളുമായാണ് മഹീന്ദ്ര കൈകോര്‍ക്കുന്നത്.പ്രൊഫഷണലുകളെയും ചെറുകിട ബിസിനസുകാരെയും യുവാക്കളെയും ലക്ഷ്യമിട്ടുള്ളതാണ് പദ്ധതി. പ്രതിമാസം 32,999 രൂപ വരെ നല്‍കി വാഹനങ്ങള്‍ വാടകയ്ക്ക് എടുക്കാനുള്ള സൗകര്യമാണുള്ളത്. കെ.യു.വി. 100, എക്സ്.യു.വി. 500, മരാസോ എന്നിങ്ങനെ മഹീന്ദ്രയുടെ വിവിധ മോഡലുകള്‍ വാടകയ്ക്ക് എടുക്കാനാകും. 13,499 രൂപയ്ക്കു മുതല്‍ വാഹനങ്ങള്‍ ലഭ്യമാണ്. സര്‍വീസ്, മെയ്ന്റനന്‍സ് ചാര്‍ജുകളും ഇന്‍ഷുറന്‍സ്, അറ്റകുറ്റപ്പണി എന്നിവയ്ക്കുള്ള ചാര്‍ജുകളും ഉള്‍പ്പെടെയുള്ള തുകയാണിത്. ഉപഭോക്താക്കളുടെ ആവശ്യാനുസരണം വിവിധ മോഡലുകള്‍ മാറ്റി എടുക്കാനുമാകും..