കൊല്ലം റാവിസ് ഹോട്ടലില്‍ ഒരുക്കിയ ഏറ്റവും വലിയ ഏടാകൂടം ഗിന്നസ് ബുക്കില്‍ സ്ഥാനംപിടിച്ചു.24 അടി നീളവും രണ്ടടി വീതിയും രണ്ടടി കനവുമുള്ള ആറ്‌ കാലുകളാണ് ഈ ഏടാകൂടത്തിനുള്ളത്. ഇരുമ്പ് ചട്ടക്കൂടിൽ തടികൊണ്ടാണ് നിർമ്മിച്ചിരിക്കുന്നത് . രണ്ടുമാസമെടുത്ത് നിര്‍മ്മിച്ച രണ്ട് ടണ്ണോളം ഭാരമുള്ള ഈ കൂറ്റന്‍ ഏടാകൂടം 2017 ഡിസംബര്‍ 27-നാണ് പൂര്‍ത്തിയായത് .കണക്കിനോടുള്ള സ്നേഹമാണ് നിർമ്മിതിക്ക് പിന്നിലെന്ന് രാജശേഖരൻ പറയുന്നു .ഗണിതശാസ്ത്രത്തില്‍ ബിരുദംനേടിയ രാജശേഖരന്‍ 18-ാം വയസ്സില്‍ തിരുവനന്തപുരത്തെ ശാസ്ത്ര-സാങ്കേതിക മ്യൂസിയത്തില്‍ ഏടാകൂടം കണ്ടതിനെത്തുടര്‍ന്നാണ് ഇതിന് പ്രചോദനം ലഭിച്ചത്.കണക്കുകൾ ഒട്ടും തെറ്റാതെയാണ് വലിയ ബ്ലോക്കുകൾ നിർമ്മിച്ചിരിക്കുന്നത് .ഒരു ചെറിയ തെറ്റ് സംഭവിച്ചാൽ പോലും ഏടാകൂടം യോജിക്കാതെ വരുമെന്നും രാജശേഖരൻ പറയുന്നു .'ലോകത്തിലെ ഏറ്റവും വലിയ ഏടാകൂടം' മായി ഇത് വരെ എന്ന പേരിൽ ഇതുവരെ അറിയപ്പെട്ടിരുന്നത് സ്വിറ്റ്സർലാന്റിലെതായിരുന്നു . സ്വിറ്റ്സർലാന്റിലെ വൽച്ചാവയിലെ ഫോഫാ കോൺറാഡ് എന്ന സ്ഥാപനം നിർമ്മിച്ച ഏടാകൂടമായിരുന്നു അത് . 19 അടി 8 ഇഞ്ച് ഉയരവും ഒരടി മൂന്നിഞ്ച് വീതിയുമാണ് ഇതിനുണ്ടായിരുന്നത്. ഇപ്പോൾ ഇതിനെക്കാൾ വലിപ്പം കൂടിയ ഏടാകൂടം നിർമ്മിച്ച് ആ സ്ഥാനം മറികടന്നിരിക്കുകയാണ് 2017 ഡിസംബറിൽ കൊല്ലം ജില്ലയിലെ റാവിസ് ഹോട്ടലിനു മുമ്പിൽ സ്ഥാപിച്ചു. ഇതിനെ പിന്തള്ളിയാണ്രാജശേഖരന്റെ ഏടാകൂടം ഗിന്നസ് ബുക്കില്‍ഇടപിടിച്ചത് .2008-ല്‍ ഏറ്റവുംവലിയ ഇസല്‍ ചിത്രം വരച്ച്‌ രാജശേഖരൻ ഗിന്നസ് വേള്‍ഡ് റെക്കോര്‍ഡിൽ ഇടം നേടിയിരുന്നു . കലാ സംവിധായകനായാണ് രാജശേഖരൻ സിനിമാ മേഖലയിൽ അറിയപ്പെടുന്നത്.