വരന്‍ പൂജാരിയാണേല്‍...സര്‍ക്കാര്‍ സമ്മാനം 3 ലക്ഷം!!!


തെലങ്കാനയില്‍ പൂജാരിമാരെ വിവാഹംചെയ്യാന്‍ തയ്യാറാവുന്ന യുവതികള്‍ക്ക് സര്‍ക്കാര്‍ മൂന്നു ലക്ഷം രൂപ നല്‍കും


തെലങ്കാനയില്‍ പൂജാരിമാരെ വിവാഹംചെയ്യാന്‍ തയ്യാറാവുന്ന യുവതികള്‍ക്ക് സര്‍ക്കാര്‍ മൂന്നു ലക്ഷം രൂപ നല്‍കും. ഇതിനു പുറമേ വിവാഹാഘോഷത്തിനു ചിലവിനായി ഒരു ലക്ഷം രൂപയും നല്‍കും. കല്യാണമസ്തു എന്നു പേരിട്ടിരിക്കുന്ന പദ്ധതി നവംബറിലാണ് നിലവില്‍ വരുന്നത്.
താരതമ്യേന കുറഞ്ഞ വരുമാനക്കാരായ പൂജാരിമാരെ യുവതികള്‍ വിവാഹം കഴിക്കാന്‍ മടിക്കുന്ന സാഹചര്യത്തിലാണ് സര്‍ക്കാര്‍ പുതിയ പദ്ധതിയുമായി രംഗത്തെത്തിയിരിക്കുന്നത്.
മൂന്നു വര്‍ഷത്തേക്കുളള സ്ഥിരം നിക്ഷേപമായാണ് മൂന്നു ലക്ഷം രൂപ അനുവദിക്കുക.മൂന്ന് വര്‍ഷത്തിനിടെ ദമ്പതിമാര്‍ക്ക് കുഞ്ഞുങ്ങളുണ്ടായാല്‍ യാതൊരു സാമ്പത്തിക ബുദ്ധിമുട്ടും ഉണ്ടാവരുതെന്നാണ് ഇത് കൊണ്ട് ഉദ്ദേശിക്കുന്നതെന്നും തെലങ്കാന ബ്രാഹ്മിന്‍ സംക്ഷേമ പരിഷദ് ചെയര്‍മാന്‍ വ്യക്തമാക്കി.സംസ്ഥാനത്തെ 4805 ക്ഷേത്രങ്ങളിലെ പൂജാരിമാര്‍ക്ക് അടുത്തമാസം മുതല്‍ സര്‍ക്കാര്‍ സ്‌കെയിലില്‍ ശമ്പളം നല്‍കുമെന്ന് മുഖ്യമന്ത്രി ചന്ദ്രശേഖര റാവു കഴിഞ്ഞ മാസം അറിയിച്ചിരുന്നു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Telangana to offer Rs 3 lakh for women to marry temple priests.