റോഹിങ്ക്യന്‍ ; ബംഗ്ലാദേശും നയം വ്യക്തമാക്കുന്നു

അഭയാര്‍ത്ഥികളായി ബംഗ്ലാദേശിലെത്തിയ റോഹിങ്ക്യകള്‍ക്ക് വന്ധ്യകരണം കൂടി നടപ്പാക്കാന്‍ ബംഗ്ലാദേശ്

റോഹിങ്ക്യന്‍ മുസ്ലീംങ്ങളെ സ്വീകരിക്കുന്ന രാജ്യങ്ങളില്‍ മുന്നിലാണ് ബംഗ്ലാദേശ്.എന്നാല്‍ രാജ്യത്തുള്ള ആറു ലക്ഷത്തോളം റോഹിങ്ക്യന്‍ അഭയാര്‍ത്ഥികള്‍ക്ക് വന്ധ്യംകരണം നടപ്പാക്കുമെന്ന് അറിയിച്ചിരിക്കുകയാണ് ബംഗ്ലാദേശ്. ജനന നിയന്ത്രണ പരിപാടികള്‍ ഫലപ്രദമാവാതിരുന്നതിനെ തുടര്‍ന്നാണ് വന്ധ്യംകരണ നീക്കമെന്നാണ് സര്‍ക്കാരിന്റെ കുടുംബാസൂത്രണ വിഭാഗം അവകാശപ്പെടുന്നത്.അഭയാര്‍ത്ഥി ക്യാമ്പുകളിലുള്ള സ്ത്രീകളെയും പുരുഷന്മാരെയും വന്ധ്യംകരണം നടപ്പിലാക്കണമെന്ന് കുടുംബാസൂത്രണ അധികൃതര്‍ സര്‍ക്കാരിനോട് സുപാര്‍ശ ചെയ്തതിന്റെ അടിസ്ഥാനത്തിലാണ് നടപടി. അഭയാര്‍ത്ഥി ക്യാമ്പുകളില്‍ ആവശ്യത്തിനു ഭക്ഷണമോ അടിസ്ഥാന സൗകര്യങ്ങളോ ഇല്ലാതെ ദുരിതപൂര്‍ണമായ ജീവിതം നയിക്കുന്ന റോഹിങ്ക്യര്‍ക്കിടയിലേക്ക് വന്ധ്യംകരണം നടപടി അടിച്ചേല്‍പ്പിക്കുന്നത് അപലപനീയമാണെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.എന്നാല്‍ ജനന നിയന്ത്രണമെന്ന പേരില്‍ ക്യാമ്പുകളില്‍ സര്‍ക്കാര്‍ വിതരണം ചെയ്യുന്ന മരുന്നുകള്‍ തങ്ങളുടേയും കുട്ടികളുടേയും ജീവന് ഭീഷണിയാകുമോ എന്ന ഭയം അഭയാര്‍ത്ഥികള്‍ക്കുള്ളതുകൊണ്ടാണ് ബംഗ്ലാദേശ് സര്‍ക്കാരിന്റെ ജനന നിയന്ത്രണ പരിപാടികള്‍ നടപ്പിലാകാത്തതെന്ന് അഭയാര്‍ത്ഥി ക്യാമ്പുകളെ ഉദ്ധിരിച്ച് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയുന്നു.അഭയാര്‍ത്ഥികളോടുള്ള നിസ്സഹകരണം ബംഗ്ലാദേശ് തുടരുന്നതിന്റെ സൂചനയാണ് വന്ധ്യംകരണമെന്നാണ് വിലയിരുത്തപ്പെടുന്നത്

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Bangladesh plans to introduce voluntary sterilisation in its overcrowded Rohingya camp.