അനുഭവങ്ങളില്‍ നിന്ന് ഹൃദയത്തിലേക്ക് കുഞ്ഞിക്ക....!!

പ്രശസ്ത സാഹിത്യകാരന്‍ പുനത്തില്‍ കുഞ്ഞബ്ദുള്ള അന്തരിച്ചു

ചുറ്റുമുള്ള മനുഷ്യരും അനുഭവങ്ങളും അക്ഷരങ്ങളായി പിറന്നപ്പോള്‍ പുനത്തില്‍ കുഞ്ഞബ്ദുള്ള കുടിയേറിയത് വായനക്കാരുടെ ഹൃദയത്തിലേക്ക്.മലയാള സാഹിത്യലോകത്തിന് തീരാനഷ്ടം സമ്മാനിച്ച് പ്രശസ്ത സാഹിത്യകാരന്‍ പുനത്തില്‍ കുഞ്ഞബ്ദുള്ള അന്തരിച്ചു.ചുറ്റുപാടില്‍ നിന്നുള്ള അനുഭവങ്ങളെ അനുഭൂതിയാക്കി മാറ്റുകയായിരുന്നു സ്വന്തം എഴുത്തിനെ പുനത്തില്‍ വിശേഷിപ്പിച്ചതിങ്ങനെ.സ്മാരകശിലകള്‍ അടക്കമുള്ള നോവലുകളില്‍ കണ്ടുമുട്ടിയ കഥാപാത്രങ്ങളും പശ്ചാത്തലവുമെല്ലാം അദ്ദേഹത്തിന്റെ നാടും നാട്ടുകാരും തന്നെ ആയിരുന്നു.
ആത്മഹത്യയൊഴികെ എല്ലാ തരം അനുഭവങ്ങള്‍ക്കും ഒരു എഴുത്തുകാരന്‍ വിധേയരാവാന്‍ ശ്രമിക്കണമെന്ന വാക്കുകളും പുനത്തിന്റേതായിരുന്നു.കുട്ടിക്കാലം മുതലെ എഴുത്തില്‍ കമ്പം കാണിച്ചിരുന്ന പുനത്തിന്റെ ആദ്യ കഥ കല്യാണരാത്രിയായിരുന്നു.മാതൃഭൂമി ആഴ്ചപതിപ്പിലാണ് ഈ കഥ പ്രസിദ്ധീകരിച്ചത്.തിക്കോടിയന്‍, ഉറൂബ്, എന്‍പി മുഹമ്മദ്, യുഎ ഖാദര്‍, അക്കിത്തം,സുകുമാര്‍ അഴീക്കോട്, എംവി ദേവന്‍ തുടങ്ങി വലിയൊരു സുഹൃത്ത് വലയം പുനത്തിലിന് ഉണ്ടായിരുന്നു.


Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Malayalam author Punathil Kunjabdulla dies at 77.