ഗിസയ്ക്കുള്ളില്‍ ഈ നിഗൂഢത എന്തിന്....???

ഗിസയില്‍ 100 മീറ്ററിലേറെ നീളമുള്ള വായുശൂന്യ സ്ഥലം കണ്ടെത്തി


ലോകാദ്ഭുതങ്ങളിലൊന്നായ ഈജിപ്തിലെ ഏറ്റവും വലിയ പിരമിഡായ ഗിസ പിരമിഡില്‍ നൂറടിയിലേറെ നീളത്തിലുള്ള വായുശൂന്യ സ്ഥലം കണ്ടെത്തി. സ്‌കാന്‍പിരമിഡ്സ് പ്രോജക്ടിന്റെ ഭാഗമായി രണ്ട് വര്‍ഷം നീണ്ട പഠനത്തിനൊടുവില്‍ ഫ്രഞ്ച്-ജാപ്പനീസ് ഗവേഷകരാണ് പിരമിഡിനുള്ളില്‍ വായു ശൂന്യമായൊരു ഭാഗം കണ്ടെത്തിയത്.
2015 മുതല്‍ നടത്തിയ പരിശോധനയുടെ ഫലമാണ് ഇപ്പോള്‍ ശാസ്ത്രജ്ഞര്‍ പുറത്തുവിട്ടിരിക്കുന്നത്. പിരമിഡിന്റെ ഗ്രാന്റ് ഗാലറിയുടെ വലുപ്പത്തോടു സമാനമാണ് ഇപ്പോള്‍ കണ്ടെത്തിയ വായുരഹിതസ്ഥലത്തിന്റെ വലുപ്പവും. പിരമിഡിനുള്ളിലെ ഗ്രാന്റ് വാലിക്ക് മുകളിലായാണ് വായുശൂന്യഅറ സ്ഥിതി ചെയ്യുന്നത്.നിഗൂഢത നിറഞ്ഞ ഇങ്ങനെയൊരു നിര്‍മ്മിതിയുടെ ഉദ്ദേശമെന്തെന്നും ഇവിടെയെന്താണുള്ളതെന്നും ഒരെണ്ണമാണോ അതോ വിവിധ വായുരഹിത മണ്ഡലങ്ങളുണ്ടോയെന്നതിലും വ്യക്തതയില്ല.മൗഗ്രഫി എന്ന ആധുനിക സാങ്കേതിക വിദ്യ ഉപയോഗിച്ചാണ് പിരമിഡിനുള്ളില്‍ ഗവേഷകര്‍ ഈ അറ കണ്ടെത്തിയത്.വലിയ പാറകള്‍ക്കുള്ളിലെ സാന്ദ്രതാ വ്യത്യാസം മനസ്സിലാക്കാന്‍ സഹായിക്കുന്ന സാങ്കേതികവിദ്യയാണിത്. ബിസി 2509നും 2483നും ഇടയില്‍ ഖുഫു ഫറവോയുടെ ഭരണകാലത്താണു ഗിസായിലെ പിരമിഡ് നിര്‍മ്മിച്ചത്.



Subscribe to Anweshanam :https://goo.gl/N7CTnG

Get More Anweshanam
Read: http://www.Anweshanam.com/
Like: https://www.facebook.com/Anweshanamdotcom/
https://www.facebook.com/news60ml/
Follow: https://twitter.com/anweshanamcom

Mysterious Void Discovered in Egypt's Great Pyramid.