പപ്പടവും, പൂരിയും ഓക്‌സ്‌ഫോര്‍ഡിലും....

ഇന്ത്യന്‍ വിഭവങ്ങളടക്കം നിരവധി വാക്കുകള്‍ ഉള്‍പ്പെടുത്തി ഓക്‌സ്‌ഫോര്‍ഡ്


ഓക്‌സ്‌ഫോര്‍ഡ് ഡിക്ഷണറിയില്‍ ഇന്ത്യന്‍ വിഭവങ്ങളടക്കം 70 ഇന്ത്യന്‍ വാക്കുകള്‍ ഇടം നേടി. ഇന്ത്യന്‍ വിഭവങ്ങളുടെ പേരുകളായ മസാല, നെയ്യ്, പപ്പടം, പൂരി, കീമാ, ഭേല്‍പൂരി എന്നിവയാണ് ഓക്‌സ്‌ഫോര്‍ഡ് ഡിക്ഷണറിയില്‍ ഇടം പിടിച്ചത്. സുഗന്ധവ്യഞ്ജനങ്ങളുടെ കൂട്ടത്തെയാണ് മസാല എന്ന പദം കൊണ്ട് ഓക്‌സ്‌ഫോര്‍ഡ് അര്‍ത്ഥമാക്കുന്നത്. പശുവിന്റെയോ എരുമയുടെയോ പാലിന്‍ നിന്നും എടുക്കുന്ന വെണ്ണയില്‍ നിന്നും വേര്‍തിരിച്ചെടുക്കുന്ന ഒന്നാണ് നെയ്യ് എന്നാണ് നെയ്യ് എന്ന വാക്കിന് അര്‍ത്ഥമായി ഒക്‌സ്‌ഫോര്‍ഡ് നിഘണ്ടുവില്‍ പറഞ്ഞിരിക്കുന്നത്.

തെലുങ്ക്, ഉറുദു, തമിഴ്, ഹിന്ദി ഭാഷകളിലെ വാക്കുകളാണ് പുതുതായി ചേര്‍ത്തിരിക്കുന്നത്.

ഹിന്ദിയിലുപയോഗിക്കുന്ന അച്ചാ, ദീദി, അബ്ബാ, ബാപു, ഗുലാബ് ജാം തുടങ്ങിയവയാണ് മറ്റു ചിലത്. ടൈംപാസ് എന്നര്‍ത്ഥമുള്ള നാടക്, ഷട്ടപ്പ് എന്നര്‍ത്ഥം വരുന്ന ഛപ്, തുടങ്ങിയവയും ഇനി ഓക്‌സ്‌ഫോര്‍ഡ് ഡിക്ഷനറിയിലുണ്ടാവും. ഏറ്റവുമധികം ഉപയോഗിക്കപ്പെടുന്ന ഈ വാക്കുകളായതിനാലാണ് ഇവയെ പുതുതായി ചേര്‍ക്കാന്‍ ഓക്‌സഫോര്‍ഡ് തീരുമാനിച്ചത്. എല്ലാ വര്‍ഷവും, മാര്‍ച്ച്, ജൂണ്‍, സെപ്തംബര്‍, ഡിസംബര്‍ മാസങ്ങളിലാണ് ഓക്‌സ്‌ഫോര്‍ഡ് ഇംഗ്ലീഷ് ഡിക്ഷനറിയില്‍ അപ്‌ഡേഷന്‍ നടപ്പാക്കുന്നത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Indian words go global: Anna, achcha! enter the Oxford dictionary.