ഡ്രൈവറില്ലാ ബസുമായി ചൈന

ഇന്റര്‍നെറ്റ് സേര്‍ച്ച് എന്‍ജിന്‍ ബെയ്ദുവാണ് ബസ് പുറത്തിറക്കുക

ഡ്രൈവറില്ലാ കാറുകള്‍ മാത്രമല്ല ഡ്രെവറില്ലാ ബസ്സുകളും പുറത്തിറക്കാനൊരുങ്ങുകയാണ് ചൈന. ചൈനയിലെ ഏറ്റവും വലിയ ഇന്റര്‍നെറ്റ് സെര്‍ച്ച് എന്‍ജിനായ ബെയ്ദുവിന്റെ മേധാവിയാണ് ഈ പ്രഖ്യാപനം നടത്തിയിരിക്കുന്നത്.

ബെയ്ദുവിന്റെ ചീഫ് എക്‌സിക്യൂട്ടീവ് റോബിന്‍ ലിയാണ് ദ വാള്‍ സ്ട്രീറ്റ് ജേണലിന് നല്‍കിയ അഭിമുഖത്തിനിടെ ഇക്കാര്യം വ്യക്തമാക്കിയത്. ഡ്രൈവറില്ലാ കാറുകള്‍ നിര്‍മിക്കാന്‍ ഗവേഷണത്തിലേര്‍പ്പെട്ടിരിക്കുന്ന കാര്‍ കമ്പനികളുമായും ചൈനയിലെ ഏറ്റവും വലിയ ബസ് നിര്‍മാതാക്കളുമായും ഇക്കാര്യത്തില്‍ കൈ കോര്‍ക്കുമെന്നും ബെയ്ദു അധികൃതര്‍ വ്യക്തമാക്കുന്നു.ഗൂഗിളിന്റെ മാതൃകമ്പനിയായ ആല്‍ഫബെറ്റ് അടക്കമുള്ള ടെക് രംഗത്തെ പ്രമുഖര്‍ ഡ്രൈവറില്ലാ കാര്‍ നിര്‍മാണ മേഖലയില്‍ അടുത്ത വര്‍ഷങ്ങളില്‍ വലിയ മുന്നേറ്റം നടത്തിയിരുന്നു.

ഇതിന്റെ ചുവടുപിടിച്ചാണ് ചൈനീസ് ഇന്റര്‍നെറ്റ് രംഗത്തെ ഭീമനായ ബെയ്ദുവിന്റെ വരവ്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

China's Baidu Plans to Place a Driverless Bus on the Road by 2018.