കട്ടൗട്ടുകളും പാലഭിഷേകവും പഴങ്കഥാകുമോ...???

ജീവിച്ചിരിക്കുന്നവരുടെ ചിത്രങ്ങള്‍ ഉള്‍പ്പെടുത്തിയ കട്ടൗട്ടുകളോ ഫ്‌ളക്‌സ്‌ബോര്‍ഡുകളോ സ്ഥാപിക്കാനാകില്ല

റോഡിനിരുവശത്തും വാഹനങ്ങളെക്കാള്‍ കൂടുതലിടം പിടിച്ചിരിക്കുന്ന ഫ്‌ലെക്‌സുകളും ഹോര്‍ഡിങ്ങുകളുമാണ് ഇതിനെതിരെ കര്‍ശന ഉത്തരവുമായി മദ്രാസ് ഹൈക്കോടതി.
തമിഴ്‌നാട്ടില്‍ ഇനി ജീവിച്ചിരിക്കുന്നവരുടെ ചിത്രങ്ങള്‍ ഉള്‍പ്പെടുത്തിയ കട്ടൗട്ടുകളോ ഫ്‌ളക്‌സ്‌ബോര്‍ഡുകളോ സ്ഥാപിക്കാനാകില്ല.മദ്രാസ് ഹൈക്കോടതിയാണ് ഇത് സംബന്ധിച്ച ഉത്തരവ് പുറത്തിറക്കിയിരിക്കുന്നത്.അതിനിടെ കോടതി ഉത്തരവോടെ തമിഴ്നാട്ടില്‍ സിനിമാ പോസ്റ്റുകള്‍ പതിക്കുന്നതിനു വിലക്കുവരുമോയെന്ന ആശങ്ക ശക്തമായി. സിനിമാ പോസ്റ്ററുകള്‍ക്കും നടീനടന്മാരുടെ കട്ടൗട്ടുകള്‍ക്കും ഫ്ളക്സുകള്‍ക്കും വിധി ബാധകമാവുമെന്നാണ് വിലയിരുത്തപ്പെടുന്നത്.
ചെന്നൈ ആറുമ്പാക്കത്തുള്ള സ്വന്തം വീടിന് മുന്നില്‍ അയല്‍ക്കാരന്‍ ഒരു രാഷ്ട്രീയപ്പാര്‍ട്ടിയുടെ ഫ്‌ലക്‌സും കൊടിയും വെച്ച് വഴി തടഞ്ഞതിനെതിരെ തിരുലോചനകുമാരി എന്ന വീട്ടമ്മ നല്‍കിയ ഹര്‍ജിയിലാണ് കോടതി വിധി. സ്‌പോണ്‍സര്‍ ചെയ്തയാളാണെങ്കില്‍പ്പോലും ചിത്രം ഫ്‌ലക്‌സില്‍ വെക്കാന്‍ പാടില്ലെന്നും കോടതി വ്യക്തമാക്കി. ഇക്കാര്യം ചൂണ്ടിക്കാട്ടി തമിഴ്‌നാട് ചീഫ് സെക്രട്ടറിക്കും എല്ലാ തദ്ദേശഭരണസ്ഥാപനങ്ങള്‍ക്കും കോടതി നോട്ടീസയച്ചു. ഉത്തരവ് പാലിക്കുന്നുണ്ടോ എന്നത് നിരീക്ഷിക്കാനും കോടതി നിര്‍ദ്ദേശമുണ്ട്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

No photos of living people on banners in public places: Madras HC.