ചോപ്പറിന്റെ കരുത്തന്മാര്‍......രുദ്ര, പ്രവേഗ

അവെഞ്ചുറ ചോപ്പര്‍സ് ആദ്യ പ്രൊഡക്ഷന്‍ ബൈക്കുകള്‍ പുറത്തിറക്കി

മുംബൈ കേന്ദ്രീകരിച്ച് പ്രവര്‍ത്തിക്കുന്ന ബൈക്ക് നിര്‍മാതാക്കളായ അവെഞ്ചുറ ചോപ്പര്‍സ് ആദ്യ പ്രൊഡക്ഷന്‍ ബൈക്കുകള്‍ പുറത്തിറക്കി.അമേരിക്കന്‍ നിരത്തുകള്‍ അടക്കി വാണിരുന്ന ചോപ്പറിന്റെ തനി പകര്‍പ്പുള്ള രുദ്ര, പ്രവേഗ എന്നീ രണ്ടു ബൈക്കുകളാണ് കമ്പനി അവതരിപ്പിച്ചത്. ഇതില്‍ രുദ്രയ്ക്ക് 23.9 ലക്ഷം രൂപയും പ്രവേഗയ്ക്ക് 21.4 ലക്ഷം രൂപയുമാണ് മുംബൈ എക്‌സ്‌ഷോറൂം വില. മുംബൈ വസായി പ്ലാന്റിലാണ് ഈ ചോപ്പറുകളുടെ നിര്‍മാണം പൂര്‍ത്തീകരിച്ചത്. വര്‍ഷംതോറും 200 ബൈക്കുകള്‍ ഇവിടെ നിര്‍മിച്ച് പുറത്തിറക്കാന്‍ സാധിക്കും.എസ്&എസ് സൈക്കിള്‍സില്‍ നിന്നെടുത്ത 2032 വി-ട്വിന്‍ എയര്‍കൂള്‍ഡ് ഓയില്‍ കൂള്‍ഡ് എയര്‍ കുള്‍ഡ് ഫ്യുവല്‍ ഇഞ്ചക്റ്റഡ് എന്‍ജിനാണ് രുദ്രയ്ക്കും പ്രവേഗയ്ക്കും കരുത്തേകുന്നത്. ഐക്കണിക് കമ്ബനിയായ ഹാര്‍ലപരമാവധി 130 പിഎസ് പവറും 180 എന്‍എം ടോര്‍ക്കുമേകുന്നതാകും ഈ എന്‍ജിന്‍.2908 എംഎം നീളമുണ്ട് രുദ്രയ്ക്ക് 350 കിലോഗ്രാമാണ് ആകെ ഭാരം. പ്രവേഗയ്ക്ക് ഇതിനെക്കാള്‍ 3 കിലോഗ്രാം ഭാരം കുറവാണ് 2627 എംഎം ആണ് നീളം. രണ്ടിനും 150 എംഎം ആണ് ഗ്രൗണ്ട് ക്ലിയറന്‍സ്. മുന്നിലും പിന്നിലും 6 പിസ്റ്റന്‍ കാലിപ്പേര്‍സുള്ള ബെറിഞ്ചര്‍ ബ്രേക്കാണ് നല്‍കിയത്. രുദ്രയില്‍ മുന്നിലെ വീല്‍ സൈസ് 23 ഇഞ്ചും പിന്നില്‍ 20 ഇഞ്ചുമാണ്. പ്രവേഗയില്‍ മുന്നില്‍ 20 ഇഞ്ച് വീലും പിന്നില്‍ 18 ഇഞ്ചുമാണ്. ബ്രിട്ടീഷ് കമ്ബനിയായ എവോണില്‍ നിന്നെടുത്തതാണ് ടയര്‍.
പ്രൊഡക്ഷന്‍ മോഡലിന്റെ ബുക്കിങ് നിലവില്‍ ആരംഭിച്ചിട്ടുണ്ട്. ലഭിക്കുന്ന ഓര്‍ഡറുകള്‍ക്കനുസരിച്ചാണ് ബൈക്ക് നിര്‍മിച്ച് ഉപഭോക്താക്കള്‍ക്ക് കൈമാറുക

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Avantura Choppers premium motorcycle brand launched.