കല്‍പ്പാത്തി രഥോത്സവം..... ഓര്‍മ്മകളുടെ മടക്കയാത്ര

ശ്രീ വിശാലാക്ഷി സമേത ശ്രീ വിശ്വനാഥ സ്വാമി ക്ഷേത്രത്തിലാണ് ലോകപ്രസിദ്ധമായ രഥോത്സവം നടത്തുന്നത്

പാലക്കാടെത്തുന്നവരുടെ പ്രധാന സ്വപ്‌നമാണ് പഴമയുടെ തനിമയുമായി തികച്ചും വേറിട്ടു നില്‍ക്കുന്ന കല്‍പ്പാത്തി രഥോത്സവം. തെക്കന്‍കാശിയെന്നും ദക്ഷിണ കാശിയെന്നും അറിയപ്പെടുന്ന കല്‍പ്പാത്തിയില്‍ തമിഴ് ബ്രാഹ്മണരാണ് കൂടുതലും താമസിക്കുന്നത്. കേരളത്തിലെ ആദ്യ ബ്രാഹ്മണ കുടിയേറ്റ പ്രദേശമായ കല്‍പ്പാത്തി പാലക്കാട് നഗരത്തില്‍ നിന്നും 3 കിമി അകലെയാണ്.ശ്രീ വിശാലാക്ഷി സമേത ശ്രീ വിശ്വനാഥ സ്വാമി ക്ഷേത്രത്തിലാണ് ലോകപ്രസിദ്ധമായ രഥോത്സവം നടത്തുന്നത്.700 വര്‍ഷം പഴക്കമുള്ള ക്ഷേത്രത്തില്‍ ശിവനും പാര്‍വ്വതിയുമാണ് പ്രതിഷ്ഠ.10 ദിവസം നീണ്ടു നില്‍ക്കുന്ന രഥോത്സവത്തില്‍ കല്‍പ്പാത്തിയിലെ നാല് ക്ഷേത്രങ്ങളില്‍ നിന്നുമുള്ള രഥങ്ങള്‍ വിശാലാക്ഷി ക്ഷേത്രത്തിന് സമീപമുള്ള തെരുവില്‍ ഒന്നിക്കുന്നു ദേവരഥ സംഗമം എന്നാണിതറിയപ്പെടുന്നത്.പിന്നെ വലിയ സംഘമായി മു്‌നോട്ടു പോകുന്നു.പൂക്കളും കൊടികള്‍ തോരണങ്ങല്‍ തേങ്ങ കൊണ്ട് മനോഹരമായി അലങ്കരിച്ച് 6 രഥങ്ങളാണ് ഉത്സവത്തിന്റെ പ്രത്യേകത.നവംബര്‍ 14 മുതല്‍ 16 ഇത്തവണത്തെ രഥോത്സവം നടക്കുക.
പൈതൃകഗ്രാമമായ കല്‍പ്പാത്തിയിലെ കഴിഞ്ഞുപോയ നാളുകളെ തിരികെ കൊണ്ടുവരുന്ന രഥോത്സവവും മറ്റു പരിപാടികളും ആയിരക്കണക്കിന് ആളുകളെയാണ് ഓരോ വര്‍ഷവും ഇവിടേക്ക് ആകര്‍ഷിക്കുന്നത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Kalppathi Ratholsavam, Kalpathy, Chariot Festival, Palakkad.