ആയുസ്സെത്താതെ മലയാളി ഡോക്ടര്‍മാര്‍

കേരളത്തിലെ ഡോക്ടര്‍മാരുടെ ആയുര്‍ദൈര്‍ഘ്യം കുറയുന്നതായി റിപ്പോര്‍ട്ട്

ഡോക്ടര്‍മാരുടെ ശരാശരി ആയുസ്സ് ജനങ്ങളുടേതിനെക്കാള്‍ കുറവ്

കേരളത്തിലെ ഡോക്ടര്‍മാരുടെ ശരാശരി ആയുസ്സ് പൊതുജനങ്ങളുടേതിനെക്കാള്‍ കുറവെന്ന് പഠന റിപ്പോര്‍ട്ട്. ഇന്ത്യന്‍ മെഡിക്കല്‍ അസോസ്സിയേഷന്‍ റിസേര്‍ച്ച് സെല്‍ നടത്തിയ പഠനത്തിലാണ് ഇക്കാര്യമുള്ളത്.മലയാളികളുടെ ശരാശരി ആയുസ്സ് 74.9 ആയിരിക്കെയാണ് കേരളത്തിലെ ഡോക്ടര്‍മാരുടെ ആയുസ്സ് 61.75 എന്ന് കണ്ടെത്തിയിരിക്കുന്നത്. 2007 മുതല്‍ 2017 വരെയുള്ള 10 വര്‍ഷക്കാലയളവിലേതാണ് ഈ റിപ്പോര്‍ട്ട്. മരണപ്പെട്ട ഡോക്ടര്‍മാരിലേറെയും ഹൃദയ സംബന്ധമായ രോഗത്തെ തുടര്‍ന്നും, ക്യാന്‍സര്‍ ബാധിച്ചുമായിരുന്നു. മരിച്ചവരില്‍ 87 %ഉം പുരുഷന്മാരായിരുന്നു. 13 ശതമാനം സ്ത്രീകളും, 27 ശതമാനം പേര്‍ ഹൃദയസംബന്ധിയായ അസുഖങ്ങളെ തുടര്‍ന്നും, 25 % ക്യാന്‍സര്‍ ബാധിച്ചും മരിച്ചു. ഒരു ശതമാനമാണ് ആത്യമഹത്യ ചെയ്തവര്‍. അതേസമയം ആയുര്‍ ദൈര്‍ഘ്യം കുറയുന്നതിന്റെ കാരണത്തെ കുറിച്ച് പഠനത്തില്‍ വ്യക്തമായി പ്രതിപാദിച്ചിട്ടില്ല.

Kerala doctors die earlier than general public: Study.