മക്കയിലും മദീനയിലും ഇനി ക്യാമറകളില്ല....

മക്കയിലും മദീനയിലെയും പള്ളികളില്‍ ഫോട്ടോഗ്രഫി

മക്ക, മദീന പള്ളികളിലും പരിസരങ്ങളിലും വീഡിയോ, ഫോട്ടോ എന്നിവ എടുക്കുന്നതിനുള്ള നിരോധനം കര്‍ശനമാക്കി. ഇനി മുതല്‍ ഫോട്ടോയും വീഡിയോയും ചിത്രീകരിക്കുന്നവരുടെ ഉപകരണങ്ങള്‍ പിടിച്ചെടുക്കും. വിദേശകാര്യ മന്ത്രാലയത്തിലെ കോണ്‍സുലര്‍, ഹജ് ഔഖാഫ് അഡ്മിനിസ്ട്രേഷന്‍ അഫയേഴ്സ് വിഭാഗമാണ് വിലക്ക് കര്‍ശനമാക്കികൊണ്ട് ഉത്തരവിട്ടത്.
തീര്‍ത്ഥാടന കേന്ദ്രങ്ങളുടെ സുരക്ഷ മുന്‍ നിര്‍ത്തിയാണ് വിലക്ക് കര്‍ശനമാക്കിയിട്ടുള്ളത്. ഉംറ നിര്‍വ്വഹിക്കാനും മറ്റുമായി ഹറമുകളിലെത്തുന്ന മലയാളികളടക്കമുള്ളവര്‍ ഫോട്ടോ എടുക്കുന്നത് പതിവാണ്. ഫോട്ടോ വിലക്കികൊണ്ടുള്ള ഉത്തരവ് കര്‍ശനമാക്കിയതോടെ ഇനിമുതല്‍ സുരക്ഷാ ഉദ്യോഗസ്ഥര്‍ മൊബൈലും ക്യാമറയും പിടിച്ചെടുക്കും.ഇത് സംബന്ധിച്ച് ഹജ്, ഉംറ മന്ത്രാലയവും എല്ലാ വിദേശ ഹജ് ഉംറ സര്‍വ്വീസ് കമ്പനികള്‍ക്കും ടൂറിസ്റ്റ് ഏജന്‍സികള്‍ക്കും സര്‍ക്കുലര്‍ അയച്ചിട്ടുണ്ട്.ഹറമിനകത്ത് ഫോട്ടോ എടുക്കുന്നത് നിരുത്സാഹപ്പെടുത്തി, ഹജ്, ഉംറ തീടകര്‍ക്ക് ഹജ് മന്ത്രാലയം നിരന്തരം ബോധവല്‍ക്കരണവും നല്‍കിയിരുന്നു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Saudi Arabia bans photos, videos of Makkah, Madina mosques.