എവറ്സ്റ്റ് കീഴടക്കി...പക്ഷെ ക്ഷേത്രത്തില്‍ വിലക്ക്!!!


സാരിധരിക്കാത്തതിന്‍െ പേരില്‍ രാജ്യത്തിന്റെ അഭിമാന താരത്തിന് ക്ഷേത്രത്തില്‍ വിലക്ക്



കാല്‍ നഷ്ടപ്പെട്ടിട്ടും എവറസ്റ്റ് കീഴിടക്കിയ അരുണിമ സിന്‍ഹയക്ക് സാരി ധരിക്കാത്തതിന്റെ പേരില്‍ ക്ഷേത്രദര്‍ശന വിലക്ക്. ഡെല്‍ഹിയിലെ മഹാകാള്‍ ക്ഷേത്രത്തിലാണ് മുന്‍ ദേശീയ വോളിബോള്‍ ടീമംഗം കൂടിയായ അരുണിമ അപമാനിക്കപ്പെട്ടത്. ക്ഷേത്രത്തില്‍ വച്ച് തന്റെ അംഗവൈകല്യത്തെ ചിലര്‍ പരിഹസിച്ചതായി അരുണിമ ആരോപിച്ചു.സംസ്ഥാന വനിത ശിശുവികസന മന്ത്രി ഇക്കാര്യത്തില്‍ ്അന്വേഷണത്തിനുത്തരവിട്ടിരുന്നു.ട്രാക്ക് സ്യൂട്ട് ധരിച്ചുകൊണ്ട് ക്ഷേത്രത്തില്‍ പ്രവേശിക്കുന്ന അരുണിമയുടെ സിസിടിവി ദൃശ്യമാണ് അധികൃതര്‍ ന്യായീകരണത്തിനായി ചൂണ്ടിക്കാട്ടുന്നത്. ഭസ്മ ആരതി സമയത്ത് സ്ത്രീകളെ സാരിയിലും പുരുഷന്‍മാരെ മുണ്ടുടുത്തും മാത്രമേ ക്ഷേത്രത്തില്‍ പ്രവേശിപ്പിക്കു എന്നതാണ് നിയമമെന്ന് ക്ഷേത്ര ഭരണാധികാരി പറയുന്നു. എന്നാല്‍ അതേ ദൃശ്യത്തില്‍ തന്നെ ജീന്‍സുധാരി അകത്ത് പ്രവേശിക്കുന്നുണ്ടെന്ന് എന്തുകൊണ്ട് നടപടിയെടുത്തില്ലെന്നും അരുണിമ ചോദിക്കുന്നു.താന്‍ വികലാംഗയായതുകൊണ്ടാണ് തന്നോട് മാത്രം ഇങ്ങനെ പെരുമാറിയതെന്നും അരുണിമ പറയുന്നു.
മുന്‍ ദേശീയ വോളിബോള്‍ ടീമംഗമായ അരുണിമയെ തീവണ്ടിയാത്രക്കിടയില്‍ ഗുണ്ടകള്‍ തള്ളിയിട്ടതിനെ തുടര്‍ന്നാണ് കാലുകള്‍ നഷ്ടമായത്. ശേഷം ആത്മധൈര്യം വീണ്ടെടുത്ത അരുണിമ എവറസ്റ്റ് കീഴടക്കുകയായിരുന്നു

Arunima Sinha: My disability was mocked during temple visit.