ഹിന്ദു പാരമ്പര്യമില്ല..........പുതുവത്സരാഘോഷം വേണ്ട..!!!

ആന്ധ്രാപ്രദേശില്‍ പുതുവല്‍സരം ആഘോഷിക്കരുതെന്ന് മുന്നറിയിപ്പ്


ആന്ധ്രാപ്രദേശിലെ ക്ഷേത്രങ്ങള്‍ക്കാണ് ഹിന്ദു ധര്‍മ പരിരക്ഷണ ട്രസ്റ്റ് പുറത്തിറക്കിയ സര്‍ക്കുലറിലൂടെ ഈ നിര്‍ദ്ദേശം നല്‍കിയിരിക്കുന്നത്. ഹിന്ദു പാരമ്പര്യത്തില്‍പെട്ട ഒന്നല്ല പുതുവര്‍ഷ ആഘോഷമെന്നും അതിനാല്‍ അത്തരം ആഘോഷങ്ങള്‍ വേണ്ടെന്നുമാണ് നിര്‍ദേശം.പുതുവര്‍ഷത്തില്‍ പൂക്കള്‍ കൊണ്ട് അലങ്കരിക്കുന്നതും മറ്റ് ആഘോഷങ്ങള്‍ സംഘടിപ്പിക്കുന്നതുംസര്‍ക്കുലറില്‍ ചോദ്യം ചെയ്യുന്നുണ്ട്. ആന്ധ്രയില്‍ പുതുവര്‍ഷമായി കണക്കാക്കുന്ന 'ഉഗഡി' ക്ഷേത്രങ്ങളില്‍ ആഘോഷിക്കാം.എന്നാല്‍ ജനുവരി ഒന്നിന് ക്ഷേത്രങ്ങള്‍ അലങ്കരിക്കുകയോ മധുരം വിതരണം ചെയ്യുകയോ ചെയ്യരുതെന്നും സര്‍ക്കലുര്‍ നിര്‍ദേശിക്കുന്നു.അതേസമയം, ആന്ധ്രപ്രദേശിലെ ചിറ്റൂരില്‍ സ്ഥിതി ചെയ്യുന്ന തിരുമല ക്ഷേത്രത്തില്‍ പതിവുപോലെ പുതുവര്‍ഷം ആഘോഷിക്കും. എല്ലാവര്‍ഷവും ഒരു ലക്ഷത്തിലധികം വരുന്ന തീര്‍ഥാടകരാണ് ഇവിടെ ദര്‍ശനം നടത്താനെത്തുന്നത്. കര്‍ണാടകയിലെ ഭാരത പുനരുദ്ധന ട്രസ്റ്റ് ഇതേആവശ്യമുന്നയിച്ച് മുഖ്യമന്ത്രി സിദ്ധാരമയ്യയ്ക്കു കത്തയച്ചിട്ടുണ്ട്. സര്‍ക്കാര്‍ ഭരണത്തിലുള്ള ക്ഷേത്രങ്ങളില്‍ ആഘോഷങ്ങള്‍ നടത്തരുതെന്നാണ് ആവശ്യം.അതേസമയം, ഹിന്ദു ധര്‍മ പരിരക്ഷണ ട്രസ്റ്റിന്റെ നീക്കത്തിന് സമൂഹമാധ്യമങ്ങളില്‍ നല്ല സ്വീകരണമാണു ലഭിക്കുന്നത്.

Hindu Outfit Asks Andhra Temples Not to Celebrate New Year.