മര്‍ഡോക്കിനെ വിഴുങ്ങി ഡിസ്‌നി

ഏഷ്യാനെറ്റുള്‍പ്പടെയുള്ള സ്റ്റാറിന്റെ ചാനലുകള്‍ ഇനി വാള്‍ട്ട് ഡിസ്‌നിക്ക്

'ട്വന്റി ഫസ്റ്റ് സെഞ്ചുറി ഫോക്‌സ്‌നെ 'വാള്‍ട്ട് ഡിസ്‌നി ഏറ്റെടുക്കുന്നു

ഏഷ്യാനെറ്റുള്‍പ്പടെയുള്ള സ്റ്റാറിന്റെ ചാനലുകള്‍ ഇനി വാള്‍ട്ട് ഡിസ്‌നിക്കു സ്വന്തം.

മാധ്യമഭീമനായ റുപര്‍ട്ട് മര്‍ഡോക്കിന്റെ വിനോദ മാധ്യമ സാമ്രാജ്യമായ 'ട്വന്റി ഫസ്റ്റ് സെഞ്ചുറി ഫോക്‌സ്‌നെ 'വാള്‍ട്ട് ഡിസ്‌നി കമ്പനി' ഏറ്റെടുക്കുന്നതോടെയാണിത്. ഫോക്‌സ് സിനിമയും, ടെലിവിഷന്‍ സ്റ്റുഡിയോകളും, സാറ്റലൈറ്റ് ബ്രോഡ്കാസ്റ്റിംഗ് സ്‌കൈ ചാനലില്‍ 39 ശതമാനം ഓഹരി പങ്കാളിത്തവും ഉള്‍പ്പടെ 52ബില്യണ്‍ ഡോളറിന്റേതാണ് ഈ കച്ചവടം. ഇന്ത്യന്‍ രൂപ ഏകദേശം 3.38 ലക്ഷം കോടി വരും ഇത്. ഇതോടെ നാഷണല്‍ ജ്യോഗ്രഫിക്, സ്റ്റാര്‍ ചാനല്‍ ശൃംഖല കേബിള്‍ വിനോദ ശൃംഖലകള്‍, അടക്കം ഇനി ഡിസ്‌നിയുടെ കീഴിലാകും.ഏറ്റെടുക്കല്‍ പൂര്‍ണമാകുന്നതോടെ സ്റ്റാര്‍ ഇന്ത്യയുടെ കീഴില്‍ എട്ട് ഭാഷകളിലായി 70 ഓളം ടിവി ചാനലുകളും ഡിസ്‌നിയുടെ കൈയിലെത്തും.ഇന്ത്യന്‍ സിനിമമേഖലയിലെ നിര്‍ണ്ണായക സാന്നിധ്യമാകാനും ഡിസ്‌നിക്ക് ഇതുവഴി കഴിയും. ഹോട്ട്സ്റ്റാര്‍ സ്ട്രീമിങ് മാധ്യമവും ഡിസ്‌നിക്കു സ്വന്തമാകും.ഓണ്‍ലൈന്‍ സ്ട്രീമിംഗ് മേഖലയില്‍ കൂടുതല്‍ നിക്ഷേപത്തിനാണ് ഡിസ്‌നി ഒരുങ്ങുന്നത്. ഇ.എസ്.പി.എന്നും, എ.ബി.സിയുമടക്കമുള്ള ചാനലുകളുടെ ഉടമയായ ഡിസ്‌നിയ്ക്ക് ഏകദേശം 95.79 ബില്യണ്‍ ഡോളറിന്റെ ആസ്തിയാണുള്ളത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Walt Disney buys Murdoch's Fox for $52bn.