അമേരിക്കന്‍ പണിയില്‍ 'നല്ല' കുട്ടിയാകാന്‍...


അമേരിക്കന്‍ പണി ഏറ്റുതുടങ്ങിയിരിക്കുന്നു നല്ല കുട്ടിയാകാന്‍ പാകിസ്ഥാന്‍


സാമ്പത്തിക സഹായവും സുരക്ഷ സഹായവും അമേരിക്കയില് നിന്ന് ലഭിക്കില്ലെന്നുറപ്പായതോടെ ഭീകരര്‍ക്കെതിരെ നിലപാട് കടുപ്പിച്ച് പാകിസ്ഥാന്‍.അമേരിക്കയുമായുള്ള പ്രശ്‌നപരിഹാരത്തിന് ശ്രമങ്ങളാരംഭിച്ച പാകിസ്ഥാന്‍ തുടക്കമെന്നോണം ഭീകരന്‍ ഹാഫിസ് സെയിദ് മസൂദ് അസ്ഹര്‍ തുടങ്ങിയവരുടെ നേതൃത്വത്തില്‍ പ്രവര്‍ത്തിക്കുന്ന സംഘടനകള്‍ക്ക് സാമ്പത്തിക സഹായം നല്‍കുന്നതിന് വിലക്കേര്‍്‌പ്പെടുത്തി
ഈ സംഘടനകളെ സഹായിക്കുന്നവര്‍ 10 വര്‍ഷം വരെ ജയില്‍ശിക്ഷ അനുഭവിക്കേണ്ടി വരുമെന്നും സര്‍ക്കാര്‍ മുന്നറിയിപ്പു നല്‍കി. കനത്ത തുക പിഴയീടാക്കുമെന്നും ആവശ്യമെങ്കില്‍ ഇത്തരക്കാരുടെ സ്വത്ത് കണ്ടുകെട്ടുമെന്നും സര്‍ക്കാര്‍ വ്യക്തമാക്കി.ഇതുമായി ബന്ധപ്പെട്ട് രാജ്യവ്യാപകമായി ദിനപത്രങ്ങളില്‍ ശനിയാഴ്ച പാക്ക് സര്‍ക്കാര്‍ പരസ്യവും പ്രസിദ്ധീകരിച്ചു. സാമ്പത്തിക സഹായം നല്‍കുന്നതിന് വിലക്കേര്‍പ്പെടുത്തിയ 72 സംഘടനകളുടെ പട്ടികയും പരസ്യത്തോടൊപ്പം പ്രസിദ്ധീകരിച്ചിട്ടുണ്ട്.
യുഎന്‍ ഭീകരരുടെ പട്ടികയില്‍ ഉള്‍പ്പെടുത്തിയിട്ടുള്ള സയീദിനെതിരെ പാക്ക് ഭരണകൂടം നടപടിയെടുക്കണമെന്ന് ഇന്ത്യയും യുഎസും വര്‍ഷങ്ങളായി ആവശ്യപ്പെട്ടുവരികയാണ്.

Pakistan blacklists Hafiz Saeed's JuD, 72 other groups.