കൊടുമുടികളില്ലാ ഇനി കീഴടക്കാന്‍...!!!


ഏഴുഭൂഖണ്ഡങ്ങളിലും ഇന്ത്യന്‍ ത്രിവര്‍ണ്ണ പതാക പാറിച്ച് ഇന്ത്യന്‍ വ്യോമസേന

ഏഴു ഭൂഖണ്ഡങ്ങളിലെയും ഏറ്റവും ഉയരമുള്ള കൊടുമുടികള്‍ കീഴടക്കി ഇന്ത്യയിലെ ആദ്യ സൈനികവിഭാഗമെന്ന റെക്കോര്‍ഡ് നേട്ടത്തില്‍ വ്യോമസേനയ്ക്ക്. സേനയുടെ അഞ്ചംഗ പര്‍വതാരോഹക സംഘം അന്റാര്‍ട്ടിക്കന്‍ ഭൂഖണ്ഡത്തിലെ വിന്‍സണ്‍ കൊടുമുടി കഴിഞ്ഞദിവസം കീഴടക്കിയതോടെയാണ് ഈ നേട്ടത്തിനര്‍ഹമായത്.വ്യോമസേനയിലെ വിവിധ സംഘങ്ങള്‍ എവറസ്റ്റ് ഉള്‍പ്പെടെ ആറു ഭൂഖണ്ഡങ്ങളിലെയും കൊടുമുടികള്‍ മുന്‍വര്‍ഷങ്ങളില്‍ കീഴടക്കിയിരുന്നു.4897 മീറ്റര്‍ ഉയരമുള്ള വിന്‍സണ്‍ കൊടുമുടി മാത്രമായിരുന്നു പട്ടികയില്‍ ബാക്കി. ക്യാപ്റ്റന്‍ ആര്‍.സി.ത്രിപാഠിയുടെ നേതൃത്വത്തില്‍ വിങ് കമാന്‍ഡന്‍ എസ്.എസ്.മല്ലിക്, സ്‌ക്വാഡ്രണ്‍ ലീഡര്‍ രാജേഷ് മൂഖി, സര്‍ജന്റ് ആര്‍.ഡി.കാലേ, കോര്‍പറല്‍ പവന്‍കുമാര്‍ എന്നിവരാണു സംഘത്തിലുണ്ടായിരുന്നത്.മറ്റ് ആറു കൊടുമുടികള്‍ കീഴടക്കിയ സംഘത്തിലും ത്രിപാഠി അംഗമാണ്. 2005ല്‍ എവറസ്റ്റ് കൊടുമുടി കീഴടക്കാനുള്ള ദൗത്യത്തിനിടെ കൊല്ലപ്പെട്ടവര്‍ക്ക് ഈ നേട്ടം സമര്‍പ്പിക്കുന്നതായി സംഘാംഗങ്ങള്‍ പറഞ്ഞു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Indian Air Force Conquers 'Seven Summits'.