ചോക്ലേറ്റ് കണ്ണും പൂട്ടി വാങ്ങല്ലെ...!!!


ചോക്ലേറ്റിനെ കുറിച്ച് കേന്ദ്ര ഭക്ഷ്യ സുരക്ഷാ ഗുണനിലവാര അതോറിറ്റി(ഫസായി) മുന്നറിയിപ്പുമായി രംഗത്ത്



നൂറുശതമാനം ഗ്യാരണ്ടിയോടെ വിദേശരാജ്യങ്ങളില്‍ നിന്നെത്തുന്ന ചോക്ലേറ്റുകള്‍ കണ്ണുമടച്ച് വാങ്ങാമോ,മുന്നറിയിപ്പുമായി ഫസായി. ചോക്ലേറ്റിനെ കുറിച്ച് കേന്ദ്ര ഭക്ഷ്യ സുരക്ഷാ ഗുണനിലവാര അതോറിറ്റി(ഫസായി) മുന്നറിയിപ്പുമായി രംഗത്ത്. ഡെന്മാര്‍ക്കില്‍ നിന്ന് ഇറക്കുമതി ചെയ്ത ചോക്ലേറ്റില്‍ പ്ലാസ്റ്റിക് കഷണങ്ങള്‍ കലര്‍ന്നതായാണ് മുന്നറിയിപ്പ് നല്‍കിയത്. ലണ്ടനില്‍ പലയിടങ്ങളും ചോക്ലേറ്റുകളില്‍ പ്ലാസ്റ്റിക്കിന്റെ അംശം കണ്ടെത്തി. ഡെന്‍മാര്‍ക്കില്‍ നിന്ന് ഇറക്കുമതി ചെയ്യുന്ന ചോക്ലേറ്റില്‍ പ്ലാസ്റ്റിക് ചേര്‍ത്തതായി കണ്ടെത്തിയിട്ടുണ്ടെന്നാണ് യൂറോപ്യന്‍ കമ്മീഷന്‍ അറിയിച്ചത്. ഈ ചോക്ലേറ്റുകള്‍ ശ്വാസതടസമുണ്ടാക്കാന്‍ കാരണമാകും. കുട്ടികളില്‍ ഇത് കൂടുതല്‍ അപകടകാരിയാണെന്നും കമ്മീഷന്‍ വ്യക്തമാക്കുന്നു.
ഇന്ത്യയടക്കം 14 രാജ്യങ്ങളിലേക്ക് ഈ ചോക്ലേറ്റുകള്‍ കയറ്റുമതി ചെയ്തിട്ടുണ്ട്. ഇവയെല്ലാം തിരിച്ചുവിളിക്കാനാണ് ശ്രമം തുടരുന്നത്. കച്ചവടക്കാര്‍ക്കെല്ലാം ചോക്ലേറ്റുകള്‍ സംബന്ധിച്ച് നിര്‍ദേശം നല്‍കിയിട്ടുണ്ട്. ചോക്ലേറ്റ് വില്‍പന നടക്കാതിരിക്കാനുള്ള നടപടികളെല്ലാം നടത്തിയതായി ഫസായി അറിയിച്ചു. യൂറോപ്യന്‍ കമ്മിഷന്‍ അറിയിച്ചതിന്റെ അടിസ്ഥാനത്തിലാണ് മുന്നറിയിപ്പ്. കമ്പനിയില്‍ നിന്ന് പ്ലാസ്റ്റികിന്റെ അംശം അബദ്ധത്തില്‍ കലര്‍ന്നതാണെന്നാണ് കണ്ടെത്തിയത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

'Plastic' alert in a few batches of Danish chocolate.