ലണ്ടനിലെ ലുങ്കിയ്ക്ക് വില 6000



നമ്മുടെ നാട്ടിലെ പൊതുവസ്ത്രമായ ലുങ്കി ലണ്ടനിലെത്തിയപ്പോള്‍ ഒന്നിന് വില 6000


150 രൂപ മുതല്‍ ലഭ്യമാകുന്ന ലുങ്കി അങ്ങ് ബ്രിട്ടനിലെ ഹൈ സ്ട്രീറ്റ് ഫാഷന്‍ സ്റ്റോറായ സാറയിലെത്തിയപ്പോള്‍ രൂപത്തിലും ഒപ്പം വിലയിലും മാറ്റം വന്നു. ലുങ്കിയുടെ അതേ തുണി കൊണ്ട് രൂപപ്പെടുത്തിയ പുതിയ മോഡലിന്റെ വില 6000 രൂപയോളമാണ് അവിടെ. 'ചെക്ക് മിനി സ്‌കേര്‍ട്ട്' എന്ന പേരില്‍, ലുങ്കി കൊണ്ട് തയ്ച്ച പാവാടയാണ് സ്പാനിഷ് ഫാഷന്‍ സ്റ്റോറായ സാറയില്‍ ഈ വിലയ്ക്ക് വില്‍ക്കുന്നത്.
സംഗതി ലുങ്കിയാണെന്ന് മനസ്സിലാക്കിയ ഉപഭോക്താക്കള്‍, സോഷ്യല്‍ മീഡിയയിലൂടെ ഈ ഫാഷന്‍ വസ്ത്രത്തിനെതിരെ രംഗത്തുവന്നിരിക്കുകയാണ്.
ഇന്ത്യയിലും പാകിസ്താനിലും തായ്ല്ന്‍ഡിലുമൊക്കെ ടുകാലത്ത് ഉപയോഗിക്കുന്ന സാധാരണ വസ്ത്രമാണിതെന്നും ഏറിയാല്‍ അഞ്ച് പൗണ്ടോളം മാത്രമേ ഇതിന് വിലയുള്ളൂവെന്നും സോഷ്യല്‍ മീഡിയയില്‍ സാറയ്‌ക്കെതിരെ രംഗത്തെത്തിയവര് പറയുന്നു.മറ്റൊരു രാജ്യത്തെ വസ്ത്രം അതേപടി അനുകരിക്കുന്നതിനു മുമ്പ് അതിന്റെ വിലയും മറ്റും ഉപഭോക്താക്കള്‍ക്ക് യോജിക്കുന്ന തരത്തിലാക്കണമെന്ന് മറ്റൊരു ഉപഭോക്താവ് ട്വീറ്റ് ചെയ്തു.സംഗതി കണ്ട ട്രോള്‍ ഗ്രൂപ്പുകളും സാറയെയും ചെക്ക് മിനി സ്‌കര്‍ട്ടിനെയും വെറുതെ വിട്ടിട്ടില്ല

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Zara's new skirt is basically a very expensive lungi.