മുറിവുണക്കാന്‍ പശ...!!!


വെറും 60 സെക്കന്റിനുള്ളില്‍ മുറിവുണക്കാനാകുന്ന പശ അവതരിപ്പിച്ച് ഗവേഷകര്‍


വെറും 60 സെക്കന്റിനുള്ളില്‍ മുറിവുണക്കാനാകുമെന്ന അവകാശവാദവുമായി പശ അവതരിപ്പിച്ച് ഗവേഷകര്‍.അമേരിക്കയിലെയും സിഡ്‌നി സര്‍വ്വകലാശാലയിലെ ബയോമെഡിക്കല്‍ ഗവേഷകരാണ് ഈ കണ്ടെത്തലിനു പിന്നില്‍.മെട്രോ എന്നാണ് ഈ പശയ്ക്ക് പേര് നല്‍കിയിരിക്കുന്നത്.ഇലാസ്തിക സ്വഭാവമുള്ള മെട്രോ പെട്ടന്ന് വികസിക്കുകയും ചുരുങ്ങുകയും ചെയ്യും.ഹൃദയം ശ്വാസകോശം തുടങ്ങി ആന്തരീകാവയവ ശസ്ത്രക്രിയകള്‍ക്ക് വരെ സഹായകമാകുമെന്നാണ് പ്രതീക്ഷ.
ദ്രവ രൂപത്തിലുള്ള പശ മുറിവിനുപരിതലത്തിലെത്തുമ്പോള്‍ ഖരരൂപത്തിലാകുകയും മുറിവിനെ കൂട്ടിയോജിപ്പിക്കുകയും ചെയ്യും.ഹൈബ്രിഡ് ഇലാസ്റ്റിക് പ്രോട്ടീനാണ് ഈ പശ.അള്‍ട്രലൈറ്റിന്റെസഹായത്തോടെയാണ് ശരീരത്തിലേക്ക് പശ ഉപയോഗിക്കുന്നത്.സയന്‍സ് ട്രാന്‍സിലേഷന്‍ മെഡിസിന്‍ എന്ന ജേണലില്‍ ഗവേഷണഫലം കഴിഞ്ഞ ഒക്ടോബറില്‍ തന്നെ പ്രസിദ്ധീകരിച്ചിരുന്നു എന്നാല്‍ മെട്രോയുടെ പരീക്ഷണവിജയം സ്ഥരീകരിച്ചിരിക്കുന്നത് ഇപ്പോഴാണ്.ഇനി ധൈര്യമായി വേദനയില്ലാതെ മുറിവുണക്കാം വെറും 60 സെക്കന്റില്‍.