જમ્મુ-કાશ્મીર અને ઉત્તર પ્રદેશમાં બળાત્કારની ઘટનાઓ મામલે દેશભરમાં પ્રદર્શનો થઈ રહ્યા છે ત્યારે સુરતમાં 11 વર્ષની બાળકી પર થયેલા બળાત્કારની ઘટનાથી લોકોમાં ભારે રોષ ફેલાયો છે. સુરત શહેરના લોકોએ ગુનેગારોને સજા મળે અને મૃત બાળકીને ન્યાય મળે તે માટે કેન્ડલ માર્ચ કરી હતી.

સુરતના લોકોએ બળાત્કારના આરોપીઓને ફાંસીની સજા આપવા આપવાના નારા સાથે વરાછાના હીરાબાગ ખાતેથી એક રેલી કાઢી હતી જે રેલીમાં 300થી પણ વધારે લોકો જોડાયા હતા. આ રેલીના સુરતના હીરાબાગથી નીકળીને મિનિબજાર માનગઢ ચોક સરદાર પ્રતિમા સુધી કરવામાં આવી હતી. લોકોએ સરદાર પ્રતિમા પાસે મીણબત્તી પ્રકટાવી આસિફાને શ્રદ્ધાંજલિ પાઠવી હતી..