સુરતની શાળાઓમાં મન ફાવે તેમ વસૂલાતી ફી મુદ્દે પેરેન્ટ્સ એસોસિએશને વિરોધ પ્રદર્શન શરૂ કર્યું છે, જેમાં વાલીઓના ઉપવાસના પ્રદર્શનને 10 દિવસ પૂરાં થઈ ગયા છે. તેથી 11મા દિવસે વાલીઓ દ્વારા રેલી કાઢવામાં આવી હતી. જે રેલીને કોંગ્રેસ દ્વારા સમર્થન આપવામાં આવ્યું હતું.
આ રેલીમાં વાલીઓ સાથે કોંગ્રેસના કાર્યકરો બેનરો સાથે જોડાયા હતા. આ રેલી વનિતા વિશ્રામ મેદાનથી સુરત DEOની કચેરી સુધી ગઈ હતી. રેલીમાં 'ભાજપ હાય હાય' અને 'શિક્ષણ મંત્રી હાય હાય'ના નારા લાગ્યા હતા. વધુમાં વાલીઓએ જણાવ્યું હતું કે વિધાનસભાનું ઇલેક્શન જીતવા માટે વાલીઓને ફી નિયમન કાયદાનાં ખોટા વાયદા આપવામાં આવ્યાં હતા. ઇલેક્શન જીત્યા બાદ ફી નિયમન કાયદાનું ચુસ્ત પાલન કરવામાં આવ્યું નથી. જેથી વાલીઓ અને શાળા પ્રશાસન વચ્ચે ઘર્ષણ થાય છે.
શાળા દ્વારા મનફાવે તેમ ફી વસુલાત સાથે દાદાગીરી કરવામાં આવે છે. વિદ્યાર્થીઓના રિઝલ્ટ પર રોક લગાવી વિદ્યાર્થીઓના ભવિષ્ય સાથે ક્રૂર ચેડા કરવામાં આવી રહ્યા છે..